జబర్దస్త్ షో, సినిమాల ద్వారా పాపులర్ అయిన వేణు (Venu Yeldandi) బలగం (Balagam) సినిమాతో దర్శకునిగా కూడా భారీ సక్సెస్ అందుకున్నారు. పరిమిత బడ్జెట్ తో తెరకెక్కిన ఈ సినిమా బాక్సాఫీస్ ను షేక్ చేయడంతో పాటు ప్రేక్షకులను ఎంతగానో మెప్పించింది. బలగం వేణు రెండో సినిమాకే నాని మూవీకి డైరెక్షన్ చేసే ఛాన్స్ ను సొంతం చేసుకున్నారు. అయితే ఈ మూవీ ఆగిపోయిందని సోషల్ మీడియాలో వార్తలు వినిపిస్తున్నాయి. శ్రీకాంత్ ఓదెల చెప్పిన కథకు, బలగం వేణు చెప్పిన కథకు సారూప్యత ఉండటంతో నాని శ్రీకాంత్ చెప్పిన కథతోనే ముందుకు వెళ్లాలని నిర్ణయం తీసుకున్నారని సమాచారం అందుతోంది.
అయితే బలగం వేణు లేదా నాని వైపు నుంచి ఇందుకు సంబంధించి క్లారిటీ రావాల్సి ఉంది. బలగం వేణు మరో మంచి కథను ప్రిపేర్ చేస్తే మాత్రం నాని ఈ డైరెక్టర్ డైరెక్షన్ లో సినిమాకు గ్రీన్ సిగ్నల్ ఇచ్చే ఛాన్స్ ఉంది. నాని పారితోషికం పాతిక కోట్ల రూపాయలకు అటూ ఇటుగా ఉండగా నాని (Nani) గత సినిమాలతో బ్యాక్ టు బ్యాక్ సక్సెస్ లను సొంతం చేసుకున్నారు.
బలగం వేణు నాని సినిమాతో స్టార్ డైరెక్టర్ అవుతారని అందరూ భావించగా ఈ ప్రాజెక్ట్ ఆగిపోతే వేణు కెరీర్ కు ఒకింత ఇబ్బందేనని చెప్పాలి. నాని శ్రీకాంత్ ఓదెల (Srikanth Odela) కాంబో మూవీ ఆగష్టు నెల నుంచి కానుందని సమాచారం అందుతోంది. హీరో నాని పెద్దగా అనుభవం లేని దర్శకులకు ప్రాధాన్యత ఇస్తున్నారని నెటిజన్ల నుంచి కామెంట్లు వ్యక్తమవుతున్నాయి.
న్యాచురల్ స్టార్ నాని కెరీర్ ను జాగ్రత్తగా ప్లాన్ చేసుకుంటే ఆయన ఖాతాలో మరిన్ని విజయాలు చేరడం ఖాయమని చెప్పవచ్చు. నాని ఇతర భాషల్లో సైతం సక్సెస్ సాధించాలని ఫ్యాన్స్ భావిస్తున్నారు. నాని స్క్రిప్ట్ సెలక్షన్ కు ఫ్యాన్స్ ఫిదా అవుతున్నారు.
