కుర్రకారు ‘అర్జున్ రెడ్డి’ ఫీవర్లో ఉన్నప్పుడు వచ్చి బ్లాక్ బస్టర్ కొట్టిన సినిమాల్లో ‘ఆర్.ఎక్స్.100’ కూడా ఒకటి. నిజానికి ఈ సినిమాకి రివ్యూలు అంత పాజిటివ్ గా రాలేదు. కానీ పాటలు సూపర్ హిట్ అవ్వడం, ట్రైలర్లో హీరోయిన్ గ్లామర్ షో వంటివి సినిమాకి భారీ ఓపెనింగ్స్ నమోదయ్యేలా చేసాయి. దాంతో బయ్యర్స్ పెట్టిన దానికి 5 ఇంతలు రాబట్టింది ఈ చిత్రం. నిజానికి ఈ చిత్రానికి రూ.10 కోట్ల బడ్జెట్ కూడా పెట్టలేదు. కానీ సంచలనాలు నమోదు చేసింది.
ఇప్పుడు ఇదే చిత్రాన్ని బాలీవుడ్లో రీమేక్ చేస్తున్న సంగతి తెలిసిందే. ‘తడప్‌’ అనే పేరుతో బాలీవుడ్లో రీమేక్ అవుతున్న ఈ చిత్రంలో… సునీల్‌ శెట్టి కొడుకు అహాన్‌ శెట్టి హీరోగా పరిచయమవుతున్నాడు. తాజాగా ట్రైలర్ ని కూడా విడుదల చేశారు. ఈ ట్రైలర్ ను మన తెలుగు ప్రేక్షకులు కనుక చూస్తే.. ఇది నిజంగా తెలుగు సినిమా రీమేకేనా అనే డౌట్ వస్తుంది. ఎందుకంటే అంత భారీతనం కనిపించింది. యాక్షన్ ఎపిసోడ్స్ ను చాలా రిచ్ గా తీశారు.తెలుగులో అయితే అంత రిచ్ నెస్ లేదు.
కానీ బాలీవుడ్ కు వెళ్ళే సరికి భారీ బడ్జెట్ చిత్రం అయిపోయింది. చూస్తుంటే ఈ రీమేక్ కు రూ.100 కోట్ల వరకు బడ్జెట్ పెట్టేశారేమో అనిపిస్తుంది.బాలీవుడ్లో థియేటర్లు ఇంకా ఎక్కువ శాతం తెరుచుకోలేదు. మరి ఇలాంటి టైములో ఈ హిందీ ‘ఆర్.ఎక్స్.100’ ఎంతవరకు కలెక్ట్ చేస్తుందో చూడాలి..!
సంకల్ప బలమే ‘మురారి’ ని క్లాసిక్ చేసింది, 20 ఏళ్ళ ‘మురారి’ వెనుక అంత కథ నడిచిందా…!
ఫ్యాక్షన్ సినిమాకి సరికొత్త డెఫినిషన్ చెప్పిన కృష్ణవంశీ ‘అంతఃపురం’…!
టాలీవుడ్‌ టాప్‌ భామల రెమ్యూనరేషన్‌ ఎంతంటే?
