రవితేజ సినిమాలో ధరమ్ తేజ స్పెషల్ ఎంట్రీ!

ప్రస్తుతం ఇండస్ట్రీలో అందరికీ సన్నిహితుడైన ఏకైక కథానాయకుడు ఎవర్రా అంటే అందరూ మరో ఆలోచన లేకుండా టక్కున చెప్పే సమాధానం “సాయిధరమ్ తేజ్”. ఈగోలతో పనిలేకుండా అందరితోనూ సన్నిహితంగా మెలిగే సాయిధరమ్ తేజ్ అంటే అందరికీ ఇష్టమే. అందుకే ఎవరొచ్చి సహాయం అడిగినా కాదనడు.

ఆ హెల్పింగ్ నేచర్ తోనే పైసా తీసుకోకుండా కృష్ణవంశీ కోసం “నక్షత్రం” సినిమాలో ప్రత్యేక పాత్ర పోషించాడు. ఇప్పుడు మళ్ళీ తనకు “సుప్రీమ్”తో సూపర్ హిట్ ఇచ్చిన అనిల్ రావిపూడి కోసం ఆయన తీస్తున్న “రాజా ది గ్రేట్” సినిమాలోనూ ఓ అతిధి పాత్ర పోషించినట్లు తెలుస్తోంది. రాశీఖన్నా ఓ స్పెషల్ సాంగ్ లో నర్తించిన విషయం తెలిసిందే.. అదే పాటలో సాయిధరమ్ తేజ్ కూడా మెరవనున్నాడట. మరి సాయిధరమ్ తేజ్ స్పెషల్ ఎంట్రీ “రాజా ది గ్రేట్” సినిమాకి ఏమేరకు ఉపయోగపడుతుందో తెలియాలంటే రిలీజ్ అయ్యేవరకూ ఆగాల్సిందే.