‘ఫిదా’లో భానుమతిగా సాయి పల్లవి చేసిన సందడి టాలీవుడ్ ఆడియన్స్ ఇప్పట్లో మర్చిపోలేరు.. అందం, అభినయంతో అందర్నీ ఫిదా చేసేసిన సాయి పల్లవి ఇప్పుడు బిజీ స్టార్‌ అయిపోయింది. ప్రస్తుతం నాని సరసన ‘ఎంసిఎ’లో నటిస్తోన్న ఈ బ్యూటీ, ఓ సినిమా ఒప్పుకోవడంలో తన పాత్రకు తగిన ప్రాధాన్యతను మాత్రమే పరిశీలించే సాయి పల్లవి.. ఇప్పుడు తమిళ్ లో ఓ క్రేజీ ప్రాజెక్టుకు ఎంపికైంది.
ధనుష్ కెరీర్‌లో సూపర్‌ హిట్‌గా నిలిచిన చిత్రాల్లో ‘మారి’ ఒకటి. ప్రస్తుతం ‘మారి–2’కి శ్రీకారం చుట్టారు. ఇందులో ధనుష్ సరసన సాయి పల్లవి కథానాయికగా నటించనున్నారు. మారి2 మూవీలో లీడ్ హీరోయిన్ పాత్రను ఈ ప్రేమమ్ బ్యూటీ చేయబోతోందని.. సినిమా యూనిట్ అనౌన్స్ చేసింది. బాలాజీ మోహన్ దర్శకత్వంలో మారి చిత్రం రూపొందగా.. ఇప్పుడు అదే దర్శకుడు సీక్వెల్ ను కూడా రూపొందించబోతున్నాడు. హీరో ధనుష్ స్వయంగా ఈ మూవీ నిర్మించనున్నాడు.. మారి చిత్రం తెలుగులో మాస్ పేరుతో రిలీజ్ అయి తెలుగు ప్రేక్షకులను ఆకట్టుకుంది.. ఇప్పుడు టాలీవుడ్ లో సాయిపల్లవికి ఉన్న క్రేజ్ ను బేస్ చేసుకుని.. తెలుగులో కూడా విడుదల చేసేలా ప్లాన్ చేస్తున్నట్లు సమాచారం.
