సల్మాన్ ఖాన్‌ – ప్రేమ్‌ ఈ రెండు పేర్లకు అవినాభావ సంబంధం ఉంది. ప్రేమ్‌ పేరు పెట్టుకున్న సల్మాన్ ఖాన్‌ సినిమాలు అన్నీ హిట్టే. ఒకానొక దశలో సల్మాన్ సినిమాలన్నింటిలోనూ అతనికి అదే పేరు పెడితేసరి అనుకునేవారట. ఇప్పుడు ప్రేమ్‌ నామజపం ఎందుకంటే.. మరోసారి సల్మాన్ ఖాన్‌ ప్రేమ్‌ అవతారం ఎత్తబోతున్నాడు. అలా తన కెరీర్‌లో బాగా గుర్తుండిపోయే పాత్రను మరోసారి పోషించబోతున్నాడు. ఈ విషయాన్ని సల్మాన్ ఖానే స్వయంగా ప్రకటించాడు.
‘మై నే ప్యార్‌ కియా’తో మొదలైన సల్మాన్ ఖాన్‌ ప్రేమ్‌ సెంటిమెంట్‌ ‘హమ్‌ ఆప్కే హై కౌన్‌’, ‘హమ్‌ సాత్‌ సాత్‌ హై’, ‘ప్రేమ్‌ రతన్‌ ధన్‌ పాయో’ సినిమాల్లో కొనసాగింది. ఈ నాలుగు చిత్రాలకు దర్శకుడు ఒకరే కావడం గమనార్హం. అతనే సూరజ్‌ బర్జాత్య. ఇప్పుడు మరోసారి ఈ కాంబినేషన్‌లో సినిమా రాబోతోంది. అంటే ఐదోసారి ప్రేమ్‌ ప్రేక్షకుల ముందుకు రాబోతున్నాడు. సూరజ్‌ బర్జాత్య దర్శకత్వం వహించిన ‘ఊంఛాయి’ సినిమా ప్రత్యేక ప్రదర్శనలో ఈ విషయం బయటకొచ్చింది.
‘ఊంఛాయి’ సినిమా స్పెషల్‌ షో సందర్భంగా.. సల్మాన్ ఖాన్‌ మీడియాతో చిట్‌చాట్‌గా మాట్లాడాడు. ఈ సందర్భంలోనే ప్రేమ్‌ ప్రస్తావన వచ్చింది. త్వరలో ప్రేమ్‌గా మరోసారి అలరిస్తాను అని సల్మాన్ ప్రకటించాడు. తొలుత సూరజ్‌ బర్జాత్య ‘‘ప్రేమ్‌ మళ్లీ తిరిగొస్తాడు. ఈ మేరకు కొత్త సినిమా టైటిల్‌ కూడా రిజిస్టర్‌ అయ్యింది’’అని చెప్పారు. వెంటనే సల్మాన్ మాట అందుకొని ‘ప్రేమ్‌ వస్తాడు… ఈసారి పెళ్లి కూడా చేసుకుంటాడు’’ అని చెప్పాడు.
దీంతో సల్మాన్ ఖాన్‌ హిట్‌ నేమ్‌తో సినిమా ఎప్పుడు ప్రకటిస్తారా అని అందరూ ఆసక్తిగా ఎదురుచూస్తున్నారు. బాలీవుడ్‌కి సరైన సినిమా పడటక చాలా ఇబ్బంది పడుతోంది. ఈ సమయంలో హిట్‌ ఫ్రాంచైజీ లాంటి ‘ప్రేమ్‌’ సినిమా పడితే కనీసం గ్యారెంటీ ఉంటుంది. కాబట్టి సల్మాన్ ఎంత త్వరగా ప్రేమ్‌గా మారితే అంతమంచిది. సల్మాన్ ప్రస్తుతం ‘కిసీ కీ భాయ్‌ కిసీ కీ జాన్‌’, ‘టైగర్‌ 3’ సినిమాల్లో నటిస్తున్నాడు. ఇవి కాకుండా షారుఖ్‌ ఖాన్‌ ‘పఠాన్‌’లోనూ అతిథిగా కనిపించనున్నాడు.
యశోద సినిమా రివ్యూ& రేటింగ్!
సరోగసి నేపథ్యంలో వచ్చిన సినిమాలు ఏంటంటే..?
‘కె.జి.ఎఫ్’ టు ‘కాంతార’..బాక్సాఫీస్ వద్ద అత్యధిక కలెక్షన్లు రాబట్టిన కన్నడ సినిమాల లిస్ట్..!
నరేష్ మాత్రమే కాదు ఆ హీరోలు కూడా భార్యలు ఉన్నప్పటికీ హీరోయిన్లతో ఎఫైర్లు నడిపారట..!
