కష్టంతో కూడిన ప్రయాణమే నాకిష్టం : సమంత

సినిమా నటీనటుల గురించి కొంతమంది తెలియకుండా కొన్ని మాటలు అనేస్తుంటారు. సింగల్ నైట్ లో స్టార్ అయిపోయారని, వారు ఏ మాత్రం కష్టపడకుండా కోట్లు సంపాదిస్తున్నారని చెబుతుంటారు. హీరోయిన్ల విషయంలో అయితే అంతుండదు. అందంగా ఉంటే చాలు అవకాశాలు వచ్చేస్తాయి.. గెస్ట్ హౌస్ లకు వెళితే సినిమాలో ఎంట్రీ అయిపోవచ్చని కాకమ్మకథలు చెప్పేవారికి కొదవే లేదు. కానీ ఎటువంటి సినీ బ్యాగ్రౌండ్ లేకుండా చిత్రాల్లో రాణించాలంటే ఎంతో కష్టపడాల్సి ఉంటుంది. అదే విషయాన్నీ టాలీవుడ్ క్యూట్ యాక్ట్రెస్ సమంత స్పష్టం చేసింది. “జీవితంలో నాకేదీ సులువుగా రాలేదు. ఒక్కో మెట్టు ఎక్కడానికీ శక్తికి మించి శ్రమించాల్సి వచ్చింది. కష్టంతో కూడిన ఆ ప్రయాణమన్నా నాకెంతో ఇష్టం. దాన్ని నాలాగే గౌరవించేవాళ్లంటే ఇంకా ఇష్టం” అని స్యామ్ వివరించింది.

ఏ మాయ చేసావే చిత్రం ద్వారా హీరోయిన్ గా పరిచయమైన ఈ భామ వరుస విజయాలతో అతి తక్కువ కాలంలో టాప్ హీరోయిన్ స్థాయికి ఎదిగింది. ఆమె కష్టానికి తోడు అదృష్టం తోడవ్వడంతో ఈ ఫలితం సాధ్యమైందని  ఆమె ఒప్పుకుంది. “సమంత అంటే ఐదారేళ్లుగా తెరపై కనిపిస్తున్న కథానాయిక మాత్రమే కాదు. అదృష్టవశాత్తూ తెరపైకి అడుగు పెట్టినప్పట్నుంచి నాకు అంతా మంచే జరిగింది. అలాగని నేను కేవలం మంచిని మాత్రమే చూసుకుంటూ మురిసిపోను. అంతకుముందు రోజుల్ని కూడా నిత్యం గుర్తు చేసుకొంటుంటా.’’ అని వెల్లడించింది. ప్రస్తుతం ఈ ముద్దుగుమ్మ యువసామ్రాట్ నాగ చైతన్యతో పీకల్లోతు ప్రేమలో ఉంది. రీల్ లైఫ్ లో భార్యాభర్తలుగా అలరించిన వీరిద్దరూ నిజజీవితంలోనూ త్వరలో ఒక ఇంటివారు కాబోతున్నారు.

Also, do SUBSCRIBE to our YouTube channel to get latest Tollywood updates.