ఎలాంటి విషయాన్నైనా మొహమాటం లేకుండా మాట్లాడడంలో నాగచైతన్య ఎప్పుడూ వెనకాడడు. అందుకే సమంత మనసును నాగచైతన్య ఈజీగా గెలవాగెలిగాడేమో. “సవ్యసాచి” ప్రమోషన్స్ లో భాగంగా మీడియాతో మాట్లాడిన చైతూ పెళ్లి తర్వాత తన జీవితం ఎలా ఉంది, సమంతతో తన వ్యక్తిగత జీవితం ఎలా ఉంది అనేది షేర్ చేసుకొన్నాడు. “నిజజీవితంలో ఇప్పటివరకు ఎప్పుడూ సమంతతో నేను గొడవపడలేదు. కానీ.. శివ నిర్వాణ దర్శకత్వంలో తెరకెక్కుతున్న “మజిలీ” (వర్కింగ్ టైటిల్) సినిమాలో మాత్రం గొడవపడుతూనే ఉంటున్నాను. ఇప్పటివరకు 18 రోజులు షూట్ చేశాం. సినిమాలో భార్యాభర్తలుగా నటిస్తున్నాం.
మెచ్యూర్డ్ వైఫ్ & హజ్బెండ్ గా కనిపిస్తాం. ఎమోషనల్ లవ్ స్టోరీ ఇది. సమ్మర్ లో రిలీజ్ కి ప్లానింగ్. పెళ్లికి ముందు నా మనసులో ఏదో తెలియని వెలితి ఉండేది. పెళ్లి తర్వాత ఆ గ్యాప్ ఫిల్ అయిన ఫీలింగ్. ఏదో సంతృప్తి. అందుకే సమంతను నా బెస్ట్ పార్ట్నర్ అంటాను. మా వర్క్ వల్ల మా రిలేషన్ డ్యామేజ్ అవ్వకుండా చూసుకుంటాం. వీలైనంతవరకూ సండే వర్క్ లేకుండా చూసుకొని ఇంట్లోనే కలిసి గడపడానికి ఇష్టపడతాను. ప్రస్తుతానికైతే.. ఇద్దరం కలిసి ఒక సినిమా చేస్తున్నాం.. ఆ తర్వాత సినిమా ఏమిటనేది ఇంకా క్లారిటీ లేదు. త్వరలోనే ప్రకటిస్తాను” అని చైతూ చెప్పడం విశేషం.
Home