‘యూ టర్న్’ కోసం సమంత చేసిన మార్పులు

క్యూట్ బ్యూటీ సమంత నటించిన మూడు సినిమాలు వచ్చే నెలలో రిలీజ్ కానున్నాయి. అవి విడుదలకు ముస్తాబు అవుతుంటే సమంత మరో ప్రాజక్ట్ ని మొదలు పెట్టింది. అది కూడా తనకి ఇష్టమైన ప్రాజెక్ట్. సినీ కెరీర్ ప్రారంభించినప్పటి నుంచి లేడీ ఓరియెంటెడ్ మూవీ చేయాలనీ సమంత కలలు కనింది. అయితే స్టార్స్ సరసన నటించే అవకాశాలు వస్తుండడంతో వాటిని చేయలేకపోయింది. ఇన్ని రోజులకు ఆమె కల నెరవేరింది. కన్నడ లో హిట్ సాధించిన “యూ టర్న్” ఆమెకి నచ్చింది. దానిని తెలుగు తీయాలని సంకల్పించి కన్నడ వెర్షన్ ను డైరెక్టర్ చేసిన పవన్ కుమార్ తోనే తెలుగు వెర్షన్ ని తీయిస్తోంది.

ఈ మూవీ రెగ్యులర్ షూటింగ్ రెండు రోజుల క్రితం రాజమండ్రి లో ప్రారంభమైంది. అక్కడ కొన్ని రోజుల షూటింగ్ అనంతరం హైదరాబాద్ లో షూట్ చేయనున్నారు. ఈ ఏడాది నవంబర్ లో ఈ చిత్రాన్ని విడుదల చేయాలనీ భావిస్తున్నారు. ఈ సినిమా గురించి ఆసక్తికర విషయాలు బయటికి వచ్చాయి. సమంత కెరీర్ లో అత్యంత తక్కువ బడ్జెట్ తో తెరకెక్కుతోన్న సినిమా ఇదేనంట. అంతేకాదు ఈ సినిమాలోని పాత్ర కోసం సమంత హెయిర్ ని కట్ చేసుకోవడంతో పాటు.. రెమ్యునరేషన్ కూడా భారీగా తగ్గించుకున్నట్లు తెలిసింది. యు టర్న్ లో సమంత లుక్ అందరినీ ఆకట్టుకుంటోంది. సినిమా కూడా ఆకట్టుకుందని చిత్ర బృందం ధీమాగా ఉంది.