ప్రస్తుతం తెలుగులో ఏ సినిమాకు సంతకం చేయలేదని చెప్పిన క్రేజీ బ్యూటీ

October 28, 2016 / 10:04 AM ISTByFilmy Focus

Join Us

ప్రస్తుతం తెలుగులో ఏ సినిమాకు సంతకం చేయలేదని చెప్పిన క్రేజీ బ్యూటీ

టాలీవుడ్ క్రేజీ బ్యూటీ సమంత, యువసామ్రాట్ అక్కినేని నాగచైతన్యతో ప్రేమ విషయం బయటికి వచ్చిన తర్వాత సినిమాల ఎంపికలో వేగం తగ్గించారు. మంచి కథ అయితేనే నటించేందుకు ఆసక్తి కనబరుస్తున్నారు. తాజాగా ఆమె మిత్రన్ దర్శకత్వంలో తెరకెక్కుతున్న తమిళ సినిమా “ఇరుంబు తిరై’లో హీరోయిన్ గా నటించేందుకు సైన్ చేశారు. విశాల్ హీరోగా నటిస్తున్న ఈ మూవీ షూటింగ్ చెన్నయ్ లో గత వారం మొదలైంది. ఈ చిత్రీకరణలో బిజీగా సమంతపై రీసెంట్ గా ఓ వార్త చక్కర్లు కొట్టింది.

పవర్ స్టార్ పవన్ కళ్యాణ్ , మాటల మాంత్రికుడు త్రివిక్రమ్ శ్రీనివాస్ కాంబినేషన్లో రానున్న మూడో మూవీలో స్యామ్ నటిస్తున్నట్లు ప్రచారం జరిగింది. దీనిని క్రేజీ బ్యూటీ ఖండించింది. పవన్ కళ్యాణ్ సినిమాలో తాను నటించడం లేదంటూ స్పష్టం చేసింది. అందులోనే కాదు ఇప్పుడు ఏ తెలుగు సినిమాను ఒకే చేయలేదని ట్విట్టర్లో క్లారిటీ ఇచ్చింది.