టాలీవుడ్ స్టార్ హీరోయిన్ సమంత, విజయ్ దేవరకొండ కాంబినేషన్ లో సినిమా రాబోతున్నట్లు చాలా కాలంగా వార్తలొస్తున్నాయి. దర్శకుడు శివ నిర్వాణ దీన్ని డైరెక్ట్ చేయబోతున్నారు. రొమాంటిక్ లవ్ స్టోరీగా ఈ సినిమాను రూపొందించనున్నారు. ఈ సినిమాకి ముందుగా గోపి సుందర్ ని మ్యూజిక్ డైరెక్టర్ గా అనుకున్నారు. ఫీల్ గుడ్ మ్యూజిక్ అందించడంలో ఈ మలయాళీ మ్యూజిక్ డైరెక్టర్ కి మంచి పేరుంది. అందుకే సామ్-విజయ్ సినిమాకి ఈయన్నే తీసుకోవాలనుకున్నారు.
పైనా శివ నిర్వాణ రూపొందించిన ‘నిన్ను కోరి’, ‘టక్ జగదీష్’ వంటి సినిమాలకు గోపిసుందర్ మ్యూజిక్ డైరెక్టర్ గా పని చేశారు. దీంతో శివ నిర్వాణకి గోపిసుందర్ తో మంచి బాండింగ్ ఉంది. అలానే విజయ్ దేవరకొండ నటించిన ‘గీత గోవిందం’ సినిమాకి కూడా గోపిసుందరే సంగీతం అందించారు. దీంతో గోపిసుందర్ ని మరోసారి రిపీట్ చేయాలనుకున్నారు. కానీ సమంత మాత్రం దీనికి ఒప్పుకోలేదని సమాచారం. తన స్నేహితుడు, ప్రముఖ సంగీత దర్శకుడు అనిరుధ్ ని ఈ సినిమా కోసం రికమెండ్ చేస్తుందట.
సమంత నటించిన కొన్ని సినిమాలకు అనిరుధ్ మ్యూజిక్ అందించారు. అలానే ఆమె నటించిన లేడీ ఓరియెంటెడ్ సినిమా ‘ఓ బేబీ’ కోసం స్పెషల్ ట్రాక్ ను కంపోజ్ చేశారు. దీంతో అనిరుధ్ ని తన సినిమా కోసం మ్యూజిక్ కంపోజర్ గా తీసుకోవాలని సామ్ చెప్పడంతో దర్శకనిర్మాతలు కూడా ఓకే చెప్పినట్లు తెలుస్తోంది. ఇప్పటికే అనిరుధ్ ఈ సినిమాకి పాటలు ట్యూన్ చేయడం మొదలుపెట్టారట. అయితే సమంత క్రియేటివ్ ఫీల్డ్ లో ఇన్వాల్వ్ అవ్వడం కొంతమందికి నచ్చడం లేదట.
ప్రస్తుతం ఈ బ్యూటీ ‘యశోద’ అనే సినిమాలో నటిస్తోంది. అలానే మరికొన్ని సినిమాలు లైన్ లో ఉన్నాయి. వీటితో పాటు ఓ ఇంటెర్నేషనల్ ప్రాజెక్ట్ కూడా ఓకే చేసింది.
Most Recommended Video
ఒకే ఫ్యామిలీలో రెండు జెనెరేషన్స్ కు చెందిన హీరోలతో జోడీ కట్టిన భామల లిస్ట్..!
‘గాడ్ ఫాదర్’ తో పాటు టాలీవుడ్లో రీమేక్ కాబోతున్న 10 మలయాళం సినిమాలు..!
ఈ 10 సినిమాలు తెలుగులోకి డబ్ అయ్యాక కూడా రీమేక్ అయ్యాయని మీకు తెలుసా..!
