సమంతకు బాహుబలి 2 నేర్పించిన విషయాలు

కొన్ని సినిమాలు వినోదాన్ని మాత్రమేకాదు.. విజ్ఞానాన్ని అందిస్తాయి. మన ఆలోచనల్లో మార్పు తీసుకొస్తాయి. అటువంటి వాటిలో బాహుబలి కంక్లూజన్ ఒకటి. అందరూ ఈ సినిమాని వినోదం కోసం చూస్తుంటే టాలీవుడ్ క్యూట్ బ్యూటీ సమంత మాత్రం ఈ చిత్రాన్ని ఓ హెడ్ మాస్టర్ పాఠం చెబుతుంటే వినే విద్యార్థిలా చూసింది. అలా చూడడమే కాదు. కొన్ని విషయాలు నేర్చుకుంది. వాటిని మనతో పంచుకుంది. “నంబర్ వన్ వినడం. ఎవరు ఏది చెబుతున్నా మధ్యలో ఎంటర్ అయిపోకుండా చివరి వరకు వినాలి.  ఏ వ్యక్తి ఆలోచన అంత చిన్నదేం కాదని బాహుబలి స్పష్టం చేసింది. బిగినింగ్ లో సమాధానం దొరకని ప్రతి చిన్న ప్రశ్న, వినతులకు కంక్లూజన్ జవాబిచ్చింది. రెండోది  పంచుకోవడం.

ఆఫ్ స్క్ర్రీన్, ఆన్ స్క్రీన్‌లో బాహుబలి టీం పడిన శ్రమ నాకు కనిపించింది. అందరూ కలిసి సాధించిన ఘనత ఇది. పనిని మాత్రమే కాదు కష్టాన్ని, బాధని పంచుకొని విజయాన్ని దక్కించుకున్నారు. చివరిది సాధించడం: ఓటమి అనేది ఆప్షన్ కాదు. ఎలా ఓడిపోవాలో తనకు తెలియదని మరో సారి హిట్ అందుకొని రాజమౌళి నిరూపించారు.” అంటూ సినిమా నుంచి నేర్చుకున్న అంశాలను వివరించింది. అంతేకాదు ఎపిక్ అనే పదానికి బాహుబలి సంపూర్ణ అర్థాన్నిచ్చిందని సమంత ట్వీట్ చేసింది.

Also, do SUBSCRIBE to our YouTube channel to get latest Tollywood updates.