సమంత (Samantha) ఇటీవల ముంబయిలో ఓ జిమ్‌ నుండి బయటకు వస్తుంటే కొంతమంది ఫొటోగ్రాఫర్లు, వీడియోగ్రాఫర్లు ఆమెను ఫొటోలు తీయడానికి, వీడియోలు తీయడానికి ఆసక్తి చూపించారు. ఈ క్రమంలో ఆమె వెంటపడే ప్రయత్నం చేశారు. దీంతో ఆమె కాస్త ఆగ్రహం వ్యక్తం చేసి వెళ్లిపోయింది. దీంతో హీరోయిన్లకు ప్రైవసీ లేదు.. ఇలా చేస్తే ఎలా అంటూ చర్చ మొదలైంది. నిజానికి ఇది సినిమా పరిశ్రమలో కొత్తేమీ కాదు. గతంలో చాలా సందర్భాల్లో ఇలా జరిగింది. దీనిని అక్కడ పాపరాజీ అని అంటారు.
అయితే, ఈ సమయంలో ఓ పాత వీడియో సోషల్‌ మీడియాలో వైరల్‌గా మారింది. కొన్నేళ్ల క్రితం నటి ప్రియమణి (Priyamani) ఓ ఇంటర్వ్యూలో మాట్లాడుతూ ఈ పాపరాజీ గురించి చెప్పుకొచ్చారు. బాలీవుడ్‌లో కథానాయికలు, కథానాయకులు బయటకు ఎక్కడికైనా వెళ్లినప్పుడు అంటే జిమ్‌, రెస్టరెంట్‌, ఎయిర్‌పోర్ట్‌ లాంటి దగ్గరకు వెళ్లినప్పుడు ఫొటోగ్రాఫర్లు పెద్ద సంఖ్యలో అక్కడే ఉంటారు. అసలు స్టార్‌లు అక్కడకు వెళ్లారని ఫొటోగ్రాఫర్లకు ఎలా తెలుస్తుంది? అనేది ప్రియమణి (Priyamani) ప్రశ్న.
దానికి బాలీవుడ్‌లో జరుగుతున్న బ్యాక్‌స్టోరీని కూడా ఆమెనే చెప్పారు. పాపరాజ్జి కల్చర్ అంతా ట్రాష్ అని, సెలబ్రిటీలే డబ్బులిచ్చి ఇలా ఫొటోలు తీయించుకుంటారు అని ప్రియమణి (Priyamani) కుండ బద్దలుకొట్టింది. ఇదంతా అక్కడి పీఆర్‌ స్ట్రాటజీ అని కూడా చెప్పింది. ముంబయిలో ఒక ఏజెన్సీ వ్యక్తి తనకు ఇలాంటి పీఆర్‌ స్టంట్‌ ఛార్జీల వివరాలు కూడా పంపించాడని చెప్పుకొచ్చింది ప్రియమణి. బాలీవుడ్ ప్రముఖులు ఇలా పే చేస్తారని తెలిసి షాకయ్యానని కూడా ప్రియమణి (Priyamani) చెప్పింది.
ఈ లెక్కన ఇప్పుడు అంతా బాలీవుడ్ నుండే ఆపరేట్‌ చేస్తూ.. అక్కడి హీరోయిన్‌ అనే కలర్‌ను తీసుకొచ్చుకున్న సమంత అదే పని చేసిందా? ఏమో మరి ప్రియమణి (Priyamani) మాటలు వింటుంటే అలానే అనిపిస్తోంది. మరి ఈ విషయంలో సమంత పీఆర్‌ టీమ్‌ ఏమంటుందో చూడాలి. మామూలుగా అయితే ఆమె టీమ్‌ ఇలాంటి వాటికి రియాక్ట్‌ అవుతుంటుంది.
https://t.co/xXjKLbkwLM pic.twitter.com/lG7tdQkohv
— వేటగాడు (@rao_4005) June 17, 2025
Home