“హీరో, హీరోయిన్ మంచి ఫ్రెండ్స్. హీరోకి ఒక అమ్మాయి నచ్చింది, ఆమెతో చెట్టాపట్టాలేసుకొని తిరిగాడు. హీరోయిన్ అంతే.. తన మనసు గెలిచిన అబ్బాయితో కబుర్లు చెప్పుకునేది. ఇద్దరూ ఒకరి గురించి ఒకరు ఏమి దాచుకోకుండా చెప్పుకునేవారు. స్టోరీ చివరికి వచ్చేసరికి హీరో తన లవర్ కి గుడ్ బై చెప్పాడు. హీరోయిన్ ప్రియుడికి టాటా చెప్పింది. స్నేహితులుగా ఉన్న హీరో, హీరోయిన్లు ప్రేమికులుగా మారారు.”
ఈ స్టోరీ ఏ సినిమాలోది అని ఆలోచించకండి.. ఇది కథ కాదు నిజజీవితంలో జరిగింది. ప్రస్తుతం టాలీవుడ్ ప్రేమ పక్షులుగా విహరిస్తున్న నాగచైతన్య, సమంతల లవ్ స్టోరీ ఇది. చైతూ గతంలో ఒక హీరోయిన్ తో ప్రేమాయణం సాగించాడు. సమంత కూడా హీరో సిద్ధార్థతో ప్రేమలో పడింది. వీటి గురించి ఓ ఇంటర్వ్యూ లో సమంతను ప్రశ్నించగా ఆమె ఇలా సమాధానం ఇచ్చింది. ”ఏ మాయ చేసావే చిత్రం నుంచి మేం మంచి స్నేహితులం. నేను వేరే వారితో రిలేషన్లో ఉన్నప్పుడు చైతూ నా పక్కన ఉన్నాడు.
అలాగే తను వేరే వారితో రిలేషన్లో ఉన్నప్పుడు నేను తనతో ఉన్నాను. ఇద్దరికీ ఒకరి గురించి ఒకరికి తెలియంది ఏదీ లేదు. మేమిద్దరం ఏమీ దాచుకోలేదు. ఎందుకంటే అసలు మేము ఇలా రిలేషన్ స్టార్ట్ చేస్తాం అని మాకే తెలియదు కాబట్టి. సో మేం అబ్బే అలాంటి ఎఫైర్లు జరగలేదే అంటూ దాచుకునేదేం లేదిక్కడ” అంటూ సమంత వివరించింది. మొత్తానికి రీల్ లైఫ్ అయినా, రియల్ లైఫ్ అయినా కథ సుఖాంతం అవడమే కావాలి. అది వీరి విషయంలో జరిగింది. సో .. సమంత, నాగచైతన్యల 100 % లవ్ చాలా బాగుంది కదూ.
