Samantha: నయన్ బాటలో సమంత!

June 14, 2021 / 05:18 PM ISTByFilmy Focus

Join Us

అప్పటివరకు కమర్షియల్ సినిమాల్లో గ్లామరస్ రోల్స్ పోషించిన సమంత పెళ్లి తరువాత తన రూట్ మార్చేసింది. వీలైనన్ని సినిమాలు చేసేయాలని తొందర పడకుండా సరికొత్త కథలను ఎన్నుకుంటుంది. కమర్షియల్ కథలకు దూరంగా ఉంటుంది. ప్రస్తుతం ఆమె చేతిలో ‘శాకుంతలం’ తప్ప మరో ప్రాజెక్ట్ లేదు. రీసెంట్ గా చాలా మంది దర్శకనిర్మాతలు ఆమెని కలిసి కథలు వినిపించారు. కానీ సామ్ మాత్రం దేనికి ఓకే చెప్పలేదు. అంతేకాదు ఒకట్రెండు భారీ సినిమా అవకాశాలను కూడా వదులుకుందట.

ఈ మధ్య మైత్రి మూవీస్ సంస్థ ఓ సినిమా కోసం సమంతను సంప్రదించగా.. ఆమె మొహమాటం లేకుండా నో చెప్పేసిందట. గతంలో ఇదే బ్యానర్ లో రెండు సినిమాలు చేసింది సమంత. అయినప్పటికీ వారిచ్చిన ఆఫర్ ను రిజెక్ట్ చేసిందట. కొంతకాలం పాటు పెద్ద హీరోల సినిమాలకు దూరంగా ఉండాలనేది సమంత ఆలోచన. సమంత దృష్టి మొత్తం కాన్సెప్ట్ ఓరియెంటెడ్ సినిమాలపైనే ఉందని సమాచారం. లేడీ ఓరియెంటెడ్ కథలు వస్తున్నా..

అందులో కూడా కాన్సెప్ట్ బేస్డ్ స్టోరీస్ నే ఎన్నుకుంటుంది. అందుకే స్టార్ హీరోల కమర్షియల్ సినిమాలను పక్కన పెడుతోంది. గతంలో తమిళంలో నయనతార కూడా ఇలానే చేసింది. స్టార్ హీరోల సినిమాల్లో ఛాన్స్ లు వచ్చినప్పుడే వాటిని పక్కన పెట్టి లేడీ ఓరియెంటెడ్ సినిమాలపై దృష్టి పెట్టింది. ఇప్పుడు దక్షిణాది సూపర్ స్టార్ ఇమేజ్ ని దక్కించుకుంది. సమంత కూడా ఇదే రూటులో నడుస్తున్నట్లుంది!