యు – టర్న్ తీసుకోనున్న సమంత

టాలీవుడ్ క్రేజీ బ్యూటీ సమంత అక్కినేని కోడలిగా ఖరారు అయినప్పటికీ తనకిష్టమైన వృత్తిని వదులుకోవడం లేదు. యువ సామ్రాట్ అక్కినేని నాగ చైతన్యతో ఆమె నిశ్చితార్ధం ఈ నెల 29 న జరగనుంది. పెళ్లి పనుల్లో బిజీగా ఉన్నా ఈ జంట కెరీర్ ని అశ్రద్ధ చేయడం లేదు. ప్రస్తుతం చైతూ కళ్యాణ్ కృష్ణ దర్శకత్వంలో ఓ మూవీ చేస్తున్నారు. సమంత రెండు తమిళ చిత్రాల్లో నటిస్తున్నారు. తాజాగా వీరిద్దరూ బెంగుళూర్ కి వెళ్లినట్లు తెలిసింది. పెళ్లి పనులకు కాదు.. విహారానికి అంత కన్నా కాదు. కన్నడలో సూపర్ హిట్ సాధించిన యూ టర్న్ మూవీ డైరక్టర్ పవన్ కుమార్ ని కలిసేందుకు కలిసి వెళ్లారు.

ఈ క్రైం థ్రిల్లర్ రీమేక్ హక్కులను గత ఏడాదే కొనుగోలు చేసిన సమంత.. దీనిని తెలుగు, తమిళంలో రీమేక్ చేయాలనీ ప్రయత్నాలు ముమ్మరం చేశారు. కన్నడ వెర్షన్ ను డైరక్ట్ చేసిన పవన్ కుమార్ నే తెలుగు, తమిళ్ వెర్షన్ కి డైరక్టర్ గా తీసుకున్నారు. ఈ మూవీ త్వరలో మొదలు పెట్టాలని పవన్ కుమార్ ని సమంత కోరినట్లు సమాచారం. జనతా గ్యారేజ్ తర్వాత స్యామ్ నటించనున్న తెలుగు మూవీ ఇదే కానుంది. ఈ సినిమాపై అధికారిక ప్రకటన త్వరలో వెలువడనుంది.

Also, do SUBSCRIBE to our YouTube channel to get latest Tollywood updates.