‘మజిలీ’, ‘వెంకీ మామ’, ‘లవ్ స్టోరీ’ ‘బంగార్రాజు’ వంటి వరుస విజయాలతో మంచి ఫామ్లో ఉన్నాడు నాగ చైతన్య. విక్రమ్ కుమార్ దర్శకత్వంలో అతను చేసిన ‘థాంక్యూ’ మూవీ రిలీజ్ కు రెడీగా ఉంది. అది కూడా మంచి సక్సెస్ అందుకుంటుందనే నమ్మకం అభిమానుల్లో ఉంది.ఇదిలా ఉండగా… చైతన్య తన తరువాత చిత్రాన్ని కూడా లైన్లో పెట్టేసాడు.తెలుగు,తమిళ భాషల్లో ద్విభాషా చిత్రంగా ఇది రూపొందనుంది. నాగ చైతన్య 22వ చిత్రంగా రూపొందనున్న ఈ చిత్రానికి వెంకట్ ప్రభు దర్శకుడు.
ఇతను ఈ మధ్యనే ‘మానాడు’ అనే చిత్రంతో బ్లాక్‌బస్టర్‌ అందుకున్నాడు. ఇక ఈ చిత్రాన్ని ‘శ్రీనివాసా సిల్వర్ స్క్రీన్’ బ్యానర్ పై పవన్ కుమార్ సమర్పణలో శ్రీనివాస చిట్టూరి నిర్మించనున్నారు.రామ్ హీరోగా తెరకెక్కుతున్న మరో బైలింగ్యువల్ మూవీ ‘వారియర్’ కు కూడా ఇతనే నిర్మాత. తమిళంలో నాగ చైతన్యని అక్కడి ప్రేక్షకులు ఆదరిస్తారా లేదా అనే మాట అటుంచితే చైతన్యకి తన మాజీ భార్య సమంతలానే అన్ని భాషల్లోనూ పాపులర్ అవ్వాలి అనే తపన ఎక్కువగా కనిపిస్తుంది.
సమంత బాలీవుడ్లో ఫ్యామిలీ మెన్ అనే వెబ్ సిరీస్ లో నటించి దేశమంతా పాపులర్ అయ్యింది. ఆమె లానే చైతన్య కూడా ఓ వెబ్ సిరీస్ లో నటిస్తున్నాడు. ఇది కూడా అన్ని భాషల్లోనూ విడుదల కానుంది. ఇదిలా ఉండగా.. సమంత హిందీలో సినిమాలు చేయడానికి రెడీ అయ్యింది. చైతన్య కూడా ఆమిర్ ఖాన్ ‘లాల్ సింగ్ చద్దా’ తో బాలీవుడ్ ఎంట్రీ ఇవ్వబోతున్నాడు. అంతేకాకుండా సమంతకి తమిళ్లో కూడా స్టార్ డం ఉంది.
కాబట్టి ఇప్పుడు వెంకట్ ప్రభు దర్శకత్వంలో చేయబోతున్న మూవీతో కోలీవుడ్ ఎంట్రీ కూడా ఇచ్చేస్తున్నాడు. ప్రయోగాలు బాగానే చేస్తున్నాడు కానీ సక్సెస్ అవుతాడా లేదా అనేది తెలియాల్సి ఉంది.
Most Recommended Video
‘ఆర్.ఆర్.ఆర్’ తో పాటు ఫస్ట్ వీక్ తెలుగు రాష్ట్రాల్లో భారీ వసూళ్ళను రాబట్టిన సినిమాల లిస్ట్..!
‘ప్రతిఘటన’ తో గోపీచంద్ తండ్రి టి.కృష్ణ దర్శకత్వం వహించిన సినిమాల లిస్ట్..!
5 ఏళ్ళ కెరీర్ లో రష్మిక మందన మిస్ చేసుకున్న సినిమాల లిస్ట్..!
Home