టాలీవుడ్ లో స్టార్ హీరోయిన్ గా దూసుకుపోతున్న సమంత ప్రస్తుతం వరుస ప్రాజెక్ట్స్ తో చాలా బిజీగా ఉంది. సినిమాలతో ఎంత బిజీగా ఉన్నప్పటికీ సోషల్ మీడియాలో కూడా చాలా యాక్టివ్ గా ఉంటుంది. ఎప్పటికప్పుడు తనకు సంబంధించిన ఫొటోలను షేర్ చేస్తుంటుంది. తాజాగా సమంత ఓ మ్యాగజైన్ కోసం నెమలి మాదిరిగా స్టన్నింగ్ ఫోజులిచ్చింది.
దీనికి సంబంధించిన ఫొటోలు సోషల్ మీడియాలో వైరల్ అవుతున్నాయి. వీటిని తన ఇన్స్టాగ్రామ్ లో షేర్ చేసిన సమంత ‘నా స్కిన్‌టోన్‌ తో నేను కంఫర్టబుల్‌గా ఉండడానికి కొంత సమయం అయితే పట్టింది..కానీ చాలా సినిమాలు చేసిన అనంతరం ఇప్పుడు ఏదైనా సెక్సీ సాంగ్‌ కానీ హార్డ్‌ కోర్‌ యాక్షన్‌ సహా ఢిపరెంట్‌ రోల్స్‌ చేయడానికి నాపై నాకు నమ్మకం వచ్చింది. ఇంతకుముందు నాలో ఈ ధైర్యం లేదు. కానీ ఇప్పడు నేను ఏదైనా చేయగలను అనే నమ్మకం వచ్చింది. వయసుతో పాటు ఇచ్చిన మెచ్యురిటీ ఇది’ అంటూ రాసుకొచ్చింది.
ఈ ఫొటోలపై నెటిజన్లతో పాటు సెలబ్రిటీలు కూడా రియాక్ట్ అవుతున్నారు. హీరోయిన్ తమన్నా.. ‘బ్యూటీ’ అంటూ కామెంట్ చేసింది. ఇక సమంత సినిమాల విషయానికొస్తే.. హరి, హరీష్ అనే దర్శకులు రూపొందిస్తోన్న ‘యశోద’ అనే సినిమాలో నటిస్తోంది ఈ బ్యూటీ. సైన్స్ ఫిక్షన్ నేపథ్యంలో తెరకెక్కుతోన్న ఈ సినిమాను ఆగస్టు 12న విడుదల చేయనున్నారు.
ఈ సినిమాతో పాటు సమంత మరికొన్ని ప్రాజెక్ట్స్ ఒప్పుకుంది. బాలీవుడ్ లో ఒకట్రెండు సినిమాలు ఒప్పుకున్నట్లు సమాచారం. అలానే ఓ బైలింగ్యువల్, ఇంటర్నేషనల్ ప్రాజెక్ట్స్ చేయబోతుంది. త్వరలోనే ఇవన్నీ సెట్స్ పైకి వెళ్లనున్నాయి.
Home