Santosh Srinivas: రభస డైరెక్టర్ ను ఆ హీరోలు నమ్ముతారా?

July 2, 2022 / 03:19 PM ISTByFilmy Focus

Join Us

Santosh Srinivas: రభస డైరెక్టర్ ను ఆ హీరోలు నమ్ముతారా?

టాలీవుడ్ ప్రముఖ డైరెక్టర్లలో ఒకరైన సంతోష్ శ్రీనివాస్ కందిరీగ సినిమాతో కెరీర్ ను మొదలుపెట్టారు. దర్శకునిగా తొలి ప్రయత్నంలోనే సక్సెస్ ను సొంతం చేసుకున్న ఈ దర్శకునికి రెండో సినిమాకు ఎన్టీఆర్ ను డైరెక్ట్ చేసే ఛాన్స్ దక్కింది. అయితే రభస సినిమా బాక్సాఫీస్ వద్ద డిజాస్టర్ గా నిలిచింది. ఈ సినిమా రిజల్ట్ విషయంలో జూనియర్ ఎన్టీఆర్ తెగ ఫీలయ్యారు. ఈ సినిమా తర్వాత తారక్ కథల విషయంలో చాలా జాగ్రత్తలు తీసుకున్నారు.

రభస తర్వాత సంతోష్ శ్రీనివాస్ హైపర్, అల్లుడు అదుర్స్ సినిమాలను తెరకెక్కించగా ఈ రెండు సినిమాలు కూడా బాక్సాఫీస్ వద్ద ఆశించిన స్థాయిలో సక్సెస్ ను సొంతం చేసుకోలేదు. ఈ సినిమాల ఫలితాల వల్ల సంతోష్ శ్రీనివాస్ కు ఆఫర్లు తగ్గాయి. అయితే సరైన ప్రాజెక్ట్ దొరికితే బాక్సాఫీస్ వద్ద సత్తా చాటుతానని సంతోష్ శ్రీనివాస్ కాన్ఫిడెన్స్ తో ఉన్నారు. పవన్ తో సినిమా చేయాలని సంతోష్ శ్రీనివాస్ ప్రయత్నించినా ఆ ప్రయత్నాలు వర్కౌట్ కాలేదు.

పవన్ కళ్యాణ్ నుంచి నో అనే సమాధానం రావడంతో మెగా మేనళ్లుళ్లపై ఈ దర్శకుడు దృష్టి పెట్టాడని సమాచారం అందుతోంది. సాయితేజ్, వైష్ణవ్ తేజ్ లలో ఎవరో ఒకరు ఈ డైరెక్టర్ కు గ్రీన్ సిగ్నల్ ఇస్తారేమో చూడాల్సి ఉంది. సాయితేజ్, వైష్ణవ్ తేజ్ ప్రస్తుతం వరుస ప్రాజెక్ట్ లతో బిజీగా ఉన్నారనే సంగతి తెలిసిందే. ఈ ఇద్దరు హీరోల సినిమాలు ప్రస్తుతం సెట్స్ పై ఉన్నాయి. యంగ్ హీరోలకు సరిపడే కథలు సంతోష్ శ్రీనివాస్ దగ్గర ఉన్నాయని సమాచారం అందుతోంది.

5-santosh-srinivas

సంతోష్ శ్రీనివాస్ త్వరలో కొత్త ప్రాజెక్ట్ ను ప్రకటించనున్నారని సమాచారం అందుతోంది. ప్రతిరోజూ పండగే సినిమా తర్వాత ఆ స్థాయి సక్సెస్ కోసం సాయితేజ్, ఉప్పెన తర్వాత ఆ స్థాయి సక్సెస్ కోసం వైష్ణవ్ తేజ్ ఎదురుచూస్తున్నారు. సాయితేజ్, వైష్ణవ్ తేజ్ కెరీర్ విషయంలో ఆచితూచి అడుగులు వేస్తున్నారు. తమ రేంజ్ ను పెంచే సినిమాలకు ఈ ఇద్దరు హీరోలు గ్రీన్ సిగ్నల్ ఇస్తున్నారు.