అందరినీ ఆకట్టుకుంటున్న సర్కార్ టీజర్

గత ఏడాది ఇల‌య‌ద‌ళ‌ప‌తి విజ‌య్‌ మెర్సల్ సినిమాతో అదరగొట్టారు. విజయ్ త్రిపాత్రాభినయం చేసిన ఈ మూవీ తెలుగులోనూ “అదిరింది”గా వచ్చి కలక్షన్స్ కురిపించింది. ఇప్పుడు అతను స్టార్‌ డైరెక్ట‌ర్ మురుగ‌దాస్ ద‌ర్శ‌క‌త్వంలో చేసిన సినిమా స‌ర్కార్‌. కీర్తి సురేష్ హీరోయిన్ గా నటించిన ఈ మూవీ(తెలుగు) టీజర్ ఈరోజు రిలీజ్ అయి సంచలనం సృష్టిస్తోంది. మల్టీ మిలినియర్ అయిన విజయ్ తన ఓటును వినియోగించుకోవడానికి ఇండియాకి రావడం, ఆ తర్వాత జరిగే పరిణామాలను మురగదాస్ తనదైన స్టయిల్‌లో తెరకెక్కించినట్లు టీజర్ స్పష్టం చేసింది. కార్పొరేట్ క్రిమినల్ గా విజయ్ నటన ఆకట్టుకుంటోంది.

ఏఆర్ రెహ‌మాన్ సంగీతం సినిమాకి ప్రత్యేక ఆకర్షణగా నిలుస్తుందని టీజర్ స్పష్టం చేసింది. అలాగే ఈ వీడియో సినిమాపై అంచనాలను పెంచింది. సన్ పిక్చ‌ర్స్ నిర్మించిన ఈ చిత్రానికి గిరీష్ గంగాధ‌న్ సినిమాటోగ్రాఫ‌ర్‌గా ప‌నిచేయ‌నుండ‌గా, శ్రీక‌ర్ ప్ర‌సాద్ ఎడిట‌ర్‌గా, టీ సంతానం ఆర్ట్ డైరెక్ట‌ర్‌గా పని చేస్తున్నారు. దీపావ‌ళి కానుక‌గా న‌వంబ‌ర్‌ 6న‌ ఈ చిత్రం తెలుగు, త‌మిళ భాష‌ల‌లో విడుద‌ల కానుంది. విజయ్, మురుగదాస్ కలయికలో వచ్చిన తుపాకీ, కత్తి సినిమాలు సూపర్ హిట్ అయ్యాయి. ఈ సినిమాతో హ్యాట్రిక్ అందుకుంటారని సినీ విశ్లేషకులు భావిస్తున్నారు.