సూపర్ స్టార్ ని ఏ రేంజ్ లో చూపిస్తున్నాడో…

టాలీవుడ్ లో ప్రిన్స్ మహేష్ బాబు ఎవర్ గ్రీన్ అందగాడు అనడంలో ఎలాంటి సందేహం లేదు. అందుకే, గెటప్స్ మార్చడానికి ఇష్టపడుకుండా తనదైన రూపంతోనే సినిమాలని చేస్తూ మంచి హిట్స్ ని అందుకుంటున్నాడు. అయితే, ఇప్పుడు చేస్తున్న సర్కారి వారి పాట సినిమాకి మాత్రం కాస్త మేకోవర్ తీస్కున్న సంగతి తెలిసిందే. జుట్టు పెంచి మెడపైన రూపాయి ట్యాటూతో డిఫరెంట్ గా కనిపిస్తున్నాడు. ప్రస్తుతం దుబాయ్ లో షూటింగ్ జరుపుకుంటున్న ఈసినిమాకి సంబంధించిన ఇంట్రస్టింగ్ అప్డేట్ ఒకటి సోషల్ మీడియాలో చక్కర్లు కొడుతోంది.

ఒక్కడు సినిమా చూసి మహేష్ తో ఎలాగైనా సరే సినిమా తీయాలని అనుకున్న డైరెక్టర్ పరుశురామ్ ఇప్పుడు ఈ సినిమా బడ్జెట్ ని అంచనా వేయలేకపోతున్నాడట. దీనికోసం స్పెషల్ సెట్ వర్క్ ని రెడీ చేసినట్లుగా తెలుస్తోంది. మొదట్లో సినిమాకోసం మాట్లాడేటపుడు ఈ సెట్ ఖర్చుల్లో లేదని, ఇప్పుడు దీనికే భారీగా ఖర్చు అవుతోందని అంటున్నారు. అనుకున్నది ఒకటి అయితే, అయ్యింది మరొక్కటని అంటున్నారు. బడ్జెట్ మాట పక్కనబెడితే, ఈ సినిమాలో మహేష్ బాబు మాస్ లుక్ ఎలివేషన్స్ ఒక రేంజ్ లో ఉంటాయని తెలుస్తోంది. అంతేకాదు, రెండు ఫైటింగ్ సీన్స్ అద్భుతంగా ఉంటాయని చెప్తున్నారు.

బ్యాంకింగ్ రంగంలో జరిగే మోసాలపై ఈ సినిమా చిత్రీకరిస్తున్నారని, దీనికోసం ఒక బ్యాంక్ సెట్ ని కూడా వేశారని టాక్. ఈ సినిమాలో మహేష్ మదర్ క్యారెక్టర్ చాలా పవర్ ఫుల్ గా ఉండబోతోందట. కీర్తిసురేష్ హీరోయిన్ గా చేస్తున్న ఈసినిమాకి థమన్ మ్యూజిక్ ని అందిస్తున్నాడు. ఈసినిమాలో ఫస్ట్ సాంగ్ ని ఆగష్ట్ లో రిలీజ్ చేసేందుకు ప్రయత్నాలు చేస్తున్నారు. అదీ విషయం.

Most Recommended Video

పిట్ట కథలు సిరీస్ రివ్యూ & రేటింగ్!
నాంది సినిమా రివ్యూ & రేటింగ్!
పొగరు సినిమా రివ్యూ & రేటింగ్!