ఖైదీ నెంబర్ 150 చిత్రం స్పీడ్ వెనుక దాగిన రహస్యం

పోటీలో ప్రత్యర్థిని ఓడించేందుకు అనేక ఎత్తులు వేయాలి. ఎలాగైనా గెలిచి తీరాలి. ఇదే అనేక రంగాల్లో విజయ సూత్రం. ఈ ఫార్ములా సినీ రంగానికి కూడా వర్తిస్తుంది. టాలీవుడ్ లో ప్రస్తుతం మెగాస్టార్ చిరంజీవి, నటసింహ బాలకృష్ణ చిత్రాల మధ్య మంచి పోటీ నడుస్తోంది. ఖైదీ నంబర్ 150 , గౌతమి పుత్ర శాతకర్ణి సంక్రాంతి తలపడనున్నాయి. అయితే బాలయ్యను ఓడించడానికి చిరు మెగా ప్లాన్ వేశారని ఫిల్మ్ నగర్ వాసులు చెప్పుకుంటున్నారు. అది ఏంటంటే ముందుగా తన చిత్రానికి సెన్సార్ వర్క్ కంప్లీట్ చేయడం. అందులో ప్లాన్ ఏముంది అనుకుంటున్నారా? ఆ విషయం లోపలికి వెళ్తే.. ఖైదీ నెంబర్ 150 వచ్చే నెల 11 రిలీజ్ కానుంది. దాదాపు పన్నెండు రోజులకి ముందే సెన్సార్ చేయించారు. అదీ రీరికార్డింగ్ పూర్తికాని కాపీని సెన్సార్ బోర్డుకు చూపించినట్లు తెలుస్తోంది.ఈ రోజు నుంచి దేవీశ్రీ ప్రసాద్ ఆర్ ఆర్ వర్క్ మొదలు పెట్టారు.

ఇంకా కొన్ని స్పెషల్ ఎఫెక్ట్స్ పనులు కూడా ఉన్నాయంట. మరి అవన్నీ పూర్తి చేయకుండా హడావుడిగా ఎందుకు పూర్తి చేయించారంటే బాలయ్య టీమ్ ని కంగారు పెట్టించడానికే అని సమాచారం. ఖైదీ నంబర్ 150  సినిమా ముందు సెన్సార్ అయ్యిందని తొందరలో గౌతమి పుత్ర శాతకర్ణి  సినిమాని క్రిష్ హడావుడిగా చుట్టేస్తారని, అలా చేస్తే సినిమా అవుట్ పుట్ తేడా వస్తుందని చిరు టీమ్ ఆశిస్తోంది. అది తమ విజయానికి దోహదం చేస్తుందని భావిస్తోంది. మరి వీరు అనుకున్నట్లు జరుగుతుందా? క్రిష్ అసలు కంగారు పడతాడా అనేది? కొన్ని రోజుల్లో తెలియనుంది.

Also, do SUBSCRIBE to our YouTube channel to get latest Tollywood updates.