Seetha Payanam Review in Telugu: సీతా పయనం సినిమా రివ్యూ & రేటింగ్!

ఏమిటా విషయం? ఆ మలుపులు ఏమిటి? అభితో సీత ప్రయాణం ఏ తీరానికి చేరుకుంది? వంటి ప్రశ్నలకు సమాధానమే “సీతా పయనం” చిత్రం.

నటీనటుల పనితీరు: నటిగా కెరీర్ మొదలుపెట్టి దశాబ్దంపైనే అయినప్పటికీ.. కంటిన్యూస్ గా సినిమాలు చేయలేదు. అయితే.. ఈ సినిమాలో ఆమె లుక్స్ & ఎనర్జీ బాగున్నాయి. ముఖ్యంగా ఎక్స్ ప్రెషన్స్ విషయంలో మెచ్యూరిటీ ప్రదర్శించింది. అలాగే ఎమోషన్స్ ను పలికించిన విధానం కూడా బాగుంది.

కన్నడ నటుడు నిరంజన్ డీసెంట్ పెర్ఫార్మెన్స్ తో ఆకట్టుకున్నాడు. రెండు విభిన్నమైన షేడ్స్ ను చక్కగా ప్రెజెంట్ చేశాడు.

సత్యరాజ్, ప్రకాష్ రాజ్, కోవై సరళ, సిరి హనుమంతులు తమ తమ పాత్రలకు న్యాయం చేశారు. ధృవ్ సర్జా యాక్షన్ బ్లాక్ బాగున్నప్పటికీ.. సరైన నేపథ్యం లేకపోవడంతో ఇరికించిన భావన కలుగుతుంది. కానీ.. యాక్షన్ సీక్వెన్స్ మాత్రం బాగుంది.

సాంకేతికవర్గం పనితీరు: సినిమాటోగ్రఫీ వర్క్ బాగుంది. తెలుగులో చాలా అరుదుగా వచ్చే రోడ్ మూవీ జానర్ లో మరీ కొత్తదనంవైపు వెళ్లకుండా.. కమర్షియల్ మీటర్ ఫాలో అవుతూనే, క్వాలిటీ అవుట్ పుట్ ఇచ్చాడు బాలమురుగన్.

అనూప్ రూబెన్స్ సంగీతం సోసోగా ఉంది. నేపథ్య సంగీతం కూడా ఎమోషన్స్ ను పెద్దగా ఎలివేట్ చేయలేదు. ఆర్ట్ & ప్రొడక్షన్ టీమ్ మాత్రం ఏమాత్రం రాజీపడలేదు. అందువల్ల సినిమా చాలా రిచ్ గా ఉంటుంది. ఎడిటింగ్ లో చాలా జర్క్స్ ఉన్నాయి, ఇంకాస్త కేర్ తీసుకోవాల్సింది.

దర్శకుడిగా, రచయితగా అర్జున్ సర్జా సత్తా ఏమిటి అనేది అందరికీ తెలిసిందే. కొన్నేళ్ల క్రితమే తన ప్రతిభను ఘనంగా చాటుకున్నాడు ఆయన. “సీత పయనం” సినిమాలో దర్శకత్వ బాధ్యత కంటే, తండ్రిగా జాగ్రత్త ఎక్కువ తీసుకున్నాడు అర్జున్. అందువల్ల.. మరీ ఎక్కువ ఎలిమెంట్స్ ఇరికించేసాడు. సినిమా ద్వారా సమాజానికి అవసరమైన మెసేజ్ ఇవ్వడం మంచిదే కానీ.. మరీ ఎక్కువ మెసేజులు ఇచ్చేయడం కాస్త ఇబ్బందిపెడుతుంది. లైఫ్ జర్నీలో అన్నీ ఎమోషన్స్ ఉన్నప్పటికీ.. ఏదైనా ఒక స్పెషల్ ఎమోషన్ ను కీలకాంశంగా ఎంచుకోవాల్సింది.

అది లోపించడంతో కథనంలో కనెక్టివిటీ మిస్ అయ్యింది. అయితే.. మానవీయ విలువల గురించి, బాంధవ్యాల గురించి మాత్రం హృద్యంగా చెప్పే ప్రయత్నం చేసారు. అలాగే.. మనం చేసే మంచి మనకి కచ్చితంగా హెల్ప్ అవుతుంది అనే విషయాన్ని ఎలివేట్ చేసిన విధానం కూడా బాగుంది. ఓవరాల్ గా.. కాస్త వరుస మెసేజులతో ఇబ్బందిపెట్టినా.. సమాజానికి తనవంతు మంచిని, విలువలను గుర్తుచేసే ప్రయత్నాన్ని నిజాయితీగా చేశారు అర్జున్.

విశ్లేషణ: కమర్షియల్ టెంప్లేట్ లో అన్నీ సినిమాలు చూడలేం. కొన్ని మెసేజ్ ఓరియెంటెడ్ సినిమాలు కాస్త బోర్ కొట్టినా, అలాంటి సినిమాలు అప్పుడప్పుడూ రావడం అవసరం. అలాంటి ఓ మంచి ప్రయత్నమే “సీతా పయనం”. దర్శకుడిగా అర్జున్ నిజాయితీ, ఐశ్వర్య పెర్ఫార్మెన్స్ లో ఫ్రెష్ నెస్ & ఎనర్జీ, సినిమాలో డిస్కస్ చేసిన ఎలిమెంట్స్ కోసం కచ్చితంగా థియేటర్లో చూడొచ్చు.

ఫోకస్ పాయింట్: మానవీయ విలువలు గుర్తుచేసే ప్రయత్నం!

రేటింగ్: 2.5/5