Sehari Teaser: ఆకట్టుకుంటున్న ‘సెహరి’ మూవీ టీజర్..!

‘విర్గో పిక్చర్స్’ పతాకం పై అద్వ‌య జిష్ణు రెడ్డి, శిల్పా చౌద‌రి సంయుక్తంగా నిర్మిస్తున్న చిత్రం ‘సెహరి’ . హ‌ర్ష్ కానుమిల్లి, సిమ్రాన్ చౌద‌రి హీరో హీరోయిన్లుగా నటిస్తోన్న ఈ చిత్రాన్ని జ్ఞానసాగ‌ర్ ద్వార‌క దర్శకత్వం వహిస్తున్నాడు. సంగీత ద‌ర్శ‌కుడు కోటి కూడా ఈ చిత్రంలో కీల‌క పాత్ర పోషిస్తుండడం విశేషం. న్యూ ఏజ్ ల‌వ్ స్టోరీగా రూపొందుతోన్న ఈ చిత్రం ఫ‌స్ట్ లుక్ పోస్ట‌ర్‌ను న‌ట‌సింహం నంద‌మూరి బాల‌కృష్ణ విడుద‌ల చేసిన సంగతి తెలిసిందే. దానికి మంచి స్పందన లభించింది. ఇక ఆ వేడుకలోనే బాలకృష్ణ గారు హీరో హర్ష్ కానుమిల్లిని ‘వర్జిన్’ అంటూ అనడం.. అది కాస్త పెద్ద ఎత్తున ట్రెండ్ అవ్వడం జరిగింది.

దాంతో ఈ మూవీ మేకర్స్ కూడా ఇతన్ని వర్జిన్ స్టార్ గానే పరిచయం చెయ్యాలని డిసైడ్ అవుతూ టీజర్ అనౌన్స్మెంట్ ను కూడా విభిన్న పద్ధతిలో ప్రమోట్ చేశారు. ఇక ఈరోజు టీజర్ ను కూడా విడుదల చెయ్యగా దానికి మంచి స్పందన లభిస్తోంది. ఇక టీజర్ విషయానికి వస్తే… వరుణ్(హీరో హ‌ర్ష్ కానుమిల్లి) తన గర్ల్ ఫ్రెండ్ తో కలిసి తన లవ్ లైఫ్ ను ఎంజాయ్ చేస్తుంటాడు. తరువాత బ్రేకప్ అవ్వాల్సిన పరిస్థితి ఏర్పడుతుంది. ఈ క్రమంలో అతనొక సెన్స్ లెస్ డెసిషన్ తీసుకుంటాడు. ఆమె పై కక్ష సాధించాలనే ఉద్దేశంతో బ్రేకప్ అయిన అమ్మాయినే పెళ్లి చేసుకోవాలి భావిస్తాడు.

కానీ తరువాత ఆమె అక్క(సిమ్రాన్ చౌదరి) ప్రేమలో పడి.. తాను తీసుకున్న డెసిషన్ తప్పు అని రియలైజ్ అవుతాడు. చివరికి ఏమైంది అనే విషయాన్ని సినిమా చూసి తెలుసుకోవాలి అన్నట్టు టీజర్ ను కట్ చేసాడు దర్శకుడు. ఈ టీజర్లో హీరో హ‌ర్ష్ కానుమిల్లి కామెడీ టైమింగ్ బాగుంది. ప్రశాంత్ విహారి అందించిన బ్యాక్ గ్రౌండ్ స్కోర్ కూడా హైలెట్ గా నిలిచింది అని చెప్పొచ్చు. ఇంకెందుకు ఆలస్యం ఈ టీజర్ ను మీరు కూడా ఓ లుక్కెయ్యండి :

‘వకీల్ సాబ్ ‘ నుండీ ఆకట్టుకునే 17 పవర్ ఫుల్ డైలాగులు!
ఈ 10 మంది టాలీవుడ్ హీరోలకి బిరుదులు మార్చిన సినిమాల లిస్ట్..!
లాయర్ గెటప్ లలో ఆకట్టుకున్న 12 మంది హీరోలు వీళ్ళే..!