Kalki 2 : కల్కి 2 షూటింగ్ కి కమల్, అమితాబ్ రెడీ.. అయితే ఆలస్యం ఎవరిదీ..?

పాన్ ఇండియా స్థాయిలో సంచలన విజయం అందుకున్న ‘కల్కి 2898 AD’ సీక్వెల్‌పై అంచనాలు రోజురోజుకీ పెరుగుతూనే ఉన్నాయి. దర్శకుడు నాగ్ అశ్విన్ రూపొందించిన సైన్స్ ఫిక్షన్ ప్రపంచం ప్రేక్షకులను పూర్తిగా కొత్త లోకంలోకి తీసుకెళ్లింది. ముఖ్యంగా మొదటి భాగం చివర్లో వచ్చిన మైథాలజీ టచ్, కర్ణుడు-అర్జునుడి ప్రస్తావన ‘కల్కి 2’ కథపై ఉత్కంఠను మరింత పెంచింది.

Kalki 2

తాజాగా అందుతున్న సమాచారం ప్రకారం, సీక్వెల్ షూటింగ్‌కు సీనియర్ స్టార్స్ సిద్ధంగా ఉన్నారట. కమల్ హాసన్ తన పాత్రకు సంబంధించి గంటకు పైగా స్క్రీన్ టైమ్‌తో కనిపించనున్నారని టాక్. ఆయన లుక్‌కు సంబంధించిన అప్‌డేట్స్ ఇప్పటికే సోషల్ మీడియాలో వైరల్ అవుతున్నాయి. మరోవైపు, లెజెండరీ నటుడు అమితాబ్ కూడా రెండో భాగంలో కీలక పాత్రకు డేట్స్ కేటాయించారనే సమాచారం అభిమానులను ఖుషీ చేస్తోంది.

ఇదిలా ఉంటే, కథానాయిక విషయంలో ఊహాగానాలు ఇంకా ఒక కొలిక్కి చేరుకోలేదు. మొదటి భాగంలో కనిపించిన దీపికా పదుకొనె స్థానంలో సాయి పల్లవి పేరు పరిశీలనలో ఉందని సినీ వర్గాలు చెబుతున్నాయి. అయితే దీనిపై అధికారిక ప్రకటన రావాల్సి ఉంది. మరి అసలు డిలే ఎందుకు? అంటే కథానాయకుడు ప్రభాస్ ప్రస్తుతం ఇతర భారీ ప్రాజెక్టులతో బిజీగా ఉండటం వల్ల, ఆయన డేట్స్ సమన్వయం కాస్త కష్టంగా మారిందని సమాచారం. ఈ నేపథ్యంలో ప్రభాస్ లేకుండా ఉండే సన్నివేశాలను ముందుగా షూట్ చేయాలనే ప్లాన్‌లో టీమ్ ఉన్నట్లు తెలుస్తోంది.

అన్ని షెడ్యూల్స్‌ను బ్యాలెన్స్ చేస్తూ, ‘కల్కి 2’ను వచ్చే ఏడాది పండుగ సీజన్‌కు టార్గెట్ చేయాలని మేకర్స్ భావిస్తున్నారట. ఆలస్యం అయినా సరే, మరింత భారీగా సీక్వెల్ తీసుకురావాలన్నదే టీమ్ ఆలోచన. మరి ఈ సైన్స్-మైథాలజీ డ్రామాతో ప్రభాస్ ఎలాంటి సంచలనాలు సృష్టిస్తాడో చూడాలి.

Manasa Varanasi : బ్రేక్ అప్ పై మిస్ ఇండియా మానస వారణాసి వ్యాఖ్యలు వైరల్..