రాజమౌళి అంటే.. ఒక్క రాజమౌళినే కాదు, మొత్తం కుటుంబం అంటుంటారు సినిమా జనాలు. రాజమౌళి ఓ సినిమా ఒప్పుకున్నారు అంటే మొత్తం కుటుంబం ఒప్పుకున్నట్లే. అయితే ఈ ఫ్యామిలీకి ఎక్స్‌టెండెడ్‌ మెంబర్స్‌ కూడా ఉన్నారు. అందులో ఒకరు సెంథిల్‌ కుమార్‌. రాజమౌళి ‘సై’ నుండి మొన్నీమధ్య వచ్చిన ‘ఆర్ఆర్ఆర్’ వరకు సెంథిల్‌ కుమారే సినిమాటోగ్రాఫర్‌. రాజమౌళి సినిమా అంటే సెంథిల్‌ కుమార్‌ కెమెరా పక్కా అని చెబుతుంటారు. మరి అలాంటి రాజమౌళి గురించి సెంథిల్‌ కుమార్‌ ఏమన్నారో చూద్దాం.
‘ఆర్ఆర్ఆర్’ గురించి, రాజమౌళి గురించి సెంథిల్‌ కుమార్‌ ఇటీవల ఓ ఇంటర్వ్యూలో మాట్లాడుతూ ఆసక్తికర వ్యాఖ్యలు చేశారు. రాజమౌళి చాలా కష్టపడి పనిచేస్తారు. చేసే పనిపై స్పష్టత ఉంటుంది. క్రియేటివిటీ చూపిస్తారు. ఎప్పుడూ సమయం వృథా కానివ్వరు. ప్రతి విషయంలో తెలివిగా ఆలోచిస్తారు. చేసిన సినిమా గురించి, పని గురించి చెప్పుకోకుండా ఇంకా కొత్తగా ఏం చేయొచ్చనే విషయం గురించి ఎప్పుడూ ఆలోచిస్తుంటారు అని చెప్పారు సెంథిల్‌ కుమార్‌. సినిమా మేకింగ్‌లో కొత్త టెక్నాలజీ ఏం వస్తోంది?
కొత్తగా వచ్చిన సాంకేతికతను మన సినిమాకు ఎలా ఉపయోగించాలి అని తాము నిరంతరం తెలుసుకుంటూ ఉంటామని సెంథిల్‌ చెప్పారు. దేశంలోనే తొలిసారి ‘ఆర్ఆర్ఆర్’ సినిమా కోసం ఆర్‌ఈఎల్‌ఎఫ్ కెమెరాను వాడారట. అలాగే డాల్బీ విజన్‌లో సినిమాను తీసుకొచ్చామని సెంథిల్‌ చెప్పారు. మన దేశంలో డాల్బీ థియేటర్‌కు ఏర్పాటుకు కసరత్తులు జరిగాయి. కానీ కరోనా కారణంగా అవి వాయిదా పడ్డాయి. లేదంటే డాల్బీ విజన్‌లో ‘ఆర్ఆర్ఆర్’ చూసే అవకాశం ఉండేది అని చెప్పారు సెంథిల్‌.
ఇదంతా ఓకే.. రాజమౌళి నెక్స్ట్ సినిమాలో మీరు వర్క్‌ చేస్తున్నారా అని అడిగితే.. ఆ విషయం రాజమౌళినే చెప్పాలి అని అన్నారు సెంథిల్‌. సినిమా కోసం టెక్నికల్‌ టీమ్‌ను దర్శకుడే ఎంచుకుంటారు. మరి నెక్స్ట్ సినిమాకు నన్ను పిలుస్తారో లేదో ఆయన ఇష్టం అన్నారు సెంథిల్‌. ప్రస్తుతం సెంథిల్‌ వారాహి చలన చిత్ర పతాకంపై గాలి కిరీటి కథానాయకుడి ఎంట్రీ ఇస్తోన్న సినిమాకు పని చేస్తున్నారు. ఇక రాజమౌళి నెక్స్ట్ సినిమా అంటే మహేష్‌బాబుదే అనే విషయం తెలిసిందే.
Most Recommended Video
‘బాహుబలి’ కి ఉన్న ఈ 10 అడ్వాంటేజ్ లు ‘ఆర్.ఆర్.ఆర్’ కు లేవట..!
‘ఆర్.ఆర్.ఆర్’ మూవీ గురించి ఈ 11 ఇంట్రెస్టింగ్ విషయాలు మీకు తెలుసా?
‘పుష్ప’ తో పాటు బుల్లితెర పై రికార్డ్ టి.ఆర్.పి లు నమోదు చేసిన 10 సినిమాల లిస్ట్…?
Home