అమెజాన్ ప్రైమ్లో ‘షాదీ ముబారక్’ విడుదల..!

సక్సెస్ ఫుల్ ప్రొడ్యూసర్ దిల్ రాజు నిర్మాణంలో వచ్చిన తాజా చిత్రం ‘షాదీ ముబారక్’. పద్మశ్రీ ఈ చిత్రానికి దర్శకుడు. ‘మొగలిరేకులు’ ఫేమ్ సాగర్(ఆర్.కె.నాయుడు) హీరోగా నటించిన ఈ చిత్రం మార్చి 5న థియేటర్లలోకి వచ్చింది. కానీ అక్కడ ఈ చిత్రాన్ని వీక్షించేందుకు ప్రేక్షకులు ఎవ్వరూ ముందుకు రాలేదు. కానీ ఈ చిత్రానికి రివ్యూలు, రేటింగ్ లు చాలా బాగా వచ్చాయి. మంచిగా ప్రమోషన్లు చేసి ఈ చిత్రాన్ని కనుక విడుదల చేసి ఉంటే.. కచ్చితంగా మంచి హిట్ అయ్యి ఉండేది.

అయితే ఈ చిత్రానికి ఐ.ఎం.డి.బి(ఇంటర్నెట్ మూవీ డేటాబేస్) వారు ఏకంగా 9.1/10 రేటింగ్ ను ఇచ్చారు. దాంతో ప్రేక్షకులు ఈ చిత్రాన్ని ఓటిటిలో మిస్ అవ్వకూడదు అని ఎంతో ఆసక్తితో ఎదురుచూస్తున్నారు. ఎట్టకేలకు ‘షాదీ ముబారక్’ చిత్రాన్ని అమెజాన్ ప్రైమ్ వారు విడుదల చెయ్యబోతున్నారు. అందుతోన్న సమాచారం ప్రకారం.. ఈ చిత్రాన్ని వారు మార్చి 25న విడుదల చెయ్యబోతున్నట్టు తెలుస్తోంది. నిజానికి ఈ చిత్రాన్ని లో- బడ్జెట్ లో నిర్మించడం వలన నాన్ థియేట్రికల్ రైట్స్ రూపంలోనే దిల్ రాజుకి లాభాలు వచ్చాయట.

అయితే అమెజాన్ ప్రైమ్లో వ్యూయర్ షిప్ ను బేస్ చేసుకుని మరింతగా చెల్లిస్తారు అన్న సంగతి తెలిసిందే. దాంతో ఈ చిత్రం కచ్చితంగా ఓటిటిలో విజయం సాధించి.. మరింత లాభాలను తెచ్చిపెడుతుంది అని చిత్ర యూనిట్ సభ్యులు భావిస్తున్నట్టు సమాచారం. చూద్దాం వాళ్ళ నమ్మకం ఎంత నిజమైందో..!

Most Recommended Video

చావు కబురు చల్లగా సినిమా రివ్యూ & రేటింగ్!
మోసగాళ్ళు సినిమా రివ్యూ & రేటింగ్!
శశి సినిమా రివ్యూ & రేటింగ్!