Shah Rukh Khan Son Aryan: షారుఖ్ సరదాగా అంటే నిజంగానే జరిగిందే!

October 4, 2021 / 06:45 AM ISTByFilmy Focus

Join Us

Shah Rukh Khan Son Aryan: షారుఖ్ సరదాగా అంటే నిజంగానే జరిగిందే!

సూపర్ స్టార్ షారుఖ్ ఖాన్ కుమారుడు ఆర్యన్ క్రూజ్ డ్రగ్స్ కేసులో ప్రమేయం ఉన్నట్లు ఆరోపణలు వచ్చాయి. ఈ కేసులో ప్రస్తుతం అతడు ఎన్సీబీ అదుపులో ఉన్నాడు. ఈ నేపథ్యంలో గతంలో షారుఖ్ ఖాన్ తన కుమారుడి గురించి సరదాగా చేసిన వ్యాఖ్యలు నెట్టింట్లో వైరల్ అవుతున్నాయి. తన కొడుకు డ్రగ్స్ తీసుకోవాలని.. సెక్స్ అనుభవించాలని షారుఖ్ ఆ సమయంలో అన్నారు. ఇప్పుడు ఆ మాటలను వైరల్ చేస్తూ కామెంట్స్ పెడుతున్నారు నెటిజన్లు.

1997లో షారుఖ్ ఖాన్ తన భార్యతో కలిసి సిమి గ్రెవాల్ షోకి వెళ్లాడు. ఈ సమయంలో తన యవ్వనంలో చేయలేని చెడు పనులన్నీ తన కొడుకు చేయాల్సిందేనని సరదాగా చెప్పాడు షారుఖ్. ‘నా కొడుకు అమ్మాయిలతో డేటింగ్ చేయాలని, సెక్స్.. డ్రగ్స్ ని కూడా ఆస్వాదించాలని నేను కోరుకుంటున్నాను. మంచి అబ్బాయిలా కనిపిస్తే అతడిని ఇంటి నుంచి తరిమేస్తా’ అంటూ సరదాగా చెప్పిన విషయం సోషల్ మీడియాలో వైరల్ అవుతోంది. షారుఖ్ అన్న మాటలు ఇప్పుడు నిజం అయ్యాయి.

షారుఖ్ కొడుకు ఆర్యను అదుపులోకి తీసుకున్న అధికారులు.. అతడి మొబైల్ ను జప్తు చేశారు. ఆర్యన్‌తో పాటు మొత్తం 8 మందిని అదుపులోకి తీసుకున్నారు. వారిలో ముగ్గురు అమ్మాయిలు ఉన్నారు. షారుఖ్ ఖాన్ కుమారుడు ఆర్యన్ ఖాన్, అర్బాజ్ మర్చంట్, మున్మున్ ధమిచ, నూపుర్ సారిక, ఇష్మీత్ సింగ్, విక్రాంత్ చోకర్, గోమిత్ చోప్రా, మోహ్క్ జస్వాల్‌ని ఎన్సీబీ విచారించింది. ముంబైలోని జెజె హాస్పిటల్‌లో వైద్య పరీక్షల అనంతరం అందరినీ ముంబైలోని ఖిలా కోర్టులో హాజరుపరుస్తారు.