ఆఫర్లు లేక వెనకడుగు వేస్తున్న శంకర్..!

‘జబర్దస్త్’ పుణ్యమా అని ఎంతో మంది లైఫ్ లు సెటిల్ అయ్యాయి. నేమ్, ఫేమ్ తో పాటు సినిమాల్లో అవకాశాలు కూడా దక్కించుకుని బాగానే స్థిరపడ్డారు. అయితే సినిమాల్లో రాణించడం అంత ఈజీ కాదు. సినిమాల్లోని కామెడీకి మొహం చాటేసే.. ‘జబర్దస్త్’ ను నమ్ముకున్నారు ప్రేక్షకులు. అలాంటిది సినిమాల్లోకి వెళ్ళి అక్కడ కూడా కామెడీనే నమ్ముకుంటే.. చేసేది ఏముంటుంది. పైగా పెద్ద ప్రాముఖ్యత లేని పాత్రలకు ఎక్కువ డబ్బులు చెల్లించి ‘జబర్దస్త్’ ఆర్టిస్ట్ లనే ఎందుకు తీసుకోవాలి.

యూట్యూబ్ లో ఫేమస్ అయినవాళ్లు అయినా పర్వాలేదు అన్నట్టు మన సినిమా మేకర్స్ భావిస్తున్నారట. దీంతో వేణు, ధన్ రాజ్ వంటి వారు తొందరగానే కళ్ళు తెరిచి మళ్ళీ బుల్లితెరనే నమ్ముకుని నాగబాబు ‘అదిరింది’ కి షిఫ్ట్ అయ్యారని తెలుస్తుంది. ఇక ఇదే కోవలో మన షకలక శంకర్ కూడా అడుగెయ్యబోతున్నట్టు తెలుస్తుంది. కమెడియన్ గా చేస్తూనే హీరోగా కూడా ‘శంభో శంకర’ ‘కేడి నెంబర్ 1’ వంటి సినిమాల్లో నటించాడు శంకర్.

అయితే చీటికీ…. మాటికీ పవన్ కళ్యాణ్ ను, చిరంజీవిని ఇమిటేట్ చేస్తూ ఉండడం ప్రేక్షకులకు విరక్తి పుట్టించిందనే చెప్పాలి. దాంతో శంకర్ సినిమాలు చూడటం మానేశారు ప్రేక్షకులు. దాంతో అటు కామెడీకి కాకుండా.. ఇటు నటనకు కాకుండా.. అన్నట్టు అయిపోయాడు శంకర్. ఇప్పుడు ఎలాగోలా నిలదొక్కుకోవాలి అని భావించిన శంకర్ మళ్ళీ ‘జబర్దస్త్’ కు రీ ఎంట్రీ ఇస్తున్నాడని సమాచారం. లాక్ డౌన్ పూర్తయ్యాక ‘జబర్దస్త్’ లో కొన్ని టీం లు యాడ్ అవుతాయట. అందులో షకలక శంకర్ టీం కూడా ఉండబోతుందని సమాచారం.

Most Recommended Video

మేకప్‌ లేకుండా మన టాలీవుడ్ ముద్దుగుమ్మలు ఎలా ఉంటారో తెలుసా?
జ్యోతిక ‘పొన్‌మగల్‌ వందాల్‌’ రివ్యూ
ఈ డైలాగ్ లు చెప్పగానే గుర్తొచ్చే హీరోయిన్లు!