Sharwanand: సినిమా ప్లాప్ అయ్యింది.. ప్రాణం పెట్టి పనిచేసినా గుర్తింపు లభించలేదు: శర్వానంద్

శర్వానంద్(Sharwanand) టాలీవుడ్లో ఉన్న మిడ్ రేంజ్ హీరోల్లో ఒకరు. ఇతని నుండి ఓ సినిమా వస్తుంది అంటే సినీ ప్రియుల్లో ఆసక్తి నెలకొంటుంది. కాకపోతే ఒకప్పటితో పోలిస్తే ఇప్పుడు అతని హవా తగ్గింది. అల్మోస్ట్ 4 ఏళ్ళ తర్వాత ‘నారీ నారీ నడుమ మురారి’ తో అతను హిట్టు కొట్టాడు.

Sharwanand

ఇప్పుడు ‘బైకర్’ గా ప్రేక్షకుల ముందుకు వచ్చాడు. ఈ సినిమాకి మిక్స్డ్ టాక్ వచ్చింది. కానీ ఓపెనింగ్స్ బెటర్ గానే వచ్చాయి. దీంతో ఈ సినిమాని గట్టిగా ప్రమోట్ చేసి గట్టెక్కించాలి అని శర్వానంద్ డిసైడ్. ఛాన్స్ ఉన్న ప్రతి ప్రమోషన్స్ యాక్టివిటీలోనూ పాల్గొంటున్నాడు.

ఈ క్రమంలో పాల్గొన్న ఓ ఇంటర్వ్యూలో శర్వానంద్ గతంలో తాను ఎదుర్కొన్న చేదు అనుభవాలను బయటపెట్టాడు.శర్వానంద్ మాట్లాడుతూ….” ‘జాను’ సినిమా షూటింగ్ సమయంలో నాకు పెద్ద ప్రమాదం జరిగింది. థాయిలాండ్‌లో ఆ సినిమా కోసం స్కైడైవింగ్ నేర్చుకుంటున్నప్పుడు భారీ ప్రమాదం చోటు చేసుకుంది.ఈ ప్రమాదంలో నా భుజం ఎముక పూర్తిగా విరిగిపోయింది. అది ఎంత క్లిష్టమైన సర్జరీ అంటే, తిరిగి నేను కోలుకోవడానికి చాలా టైమ్ పట్టింది.ప్రాణాలకు తెగించి ఆ సినిమా కోసం కష్టపడ్డాను.

దానికి తగిన గుర్తింపు కూడా రాలేదు. సినిమా ఫ్లాప్ అయ్యింది. ఆడియన్స్ పట్టించుకోలేదు.కనీసం ఇండస్ట్రీ నుండి కూడా అప్రీసియేషన్ లభించలేదు.పెద్ద హీరోలకు చిన్న దెబ్బ తగిలితే సోషల్ మీడియాలో హడావిడి ఓ రేంజ్లో ఉంటుంది. కానీ నాకు ఇంత పెద్ద సర్జరీ జరిగినా ఒక్కరు కూడా స్పందించలేదు. ఆ టైమ్లో అసలు నేను ఇండస్ట్రీ వాడినేనా? లేక ఇండస్ట్రీ జనాలు ఇంతేనా? అనే అనుమానాలు వచ్చాయి. నన్ను బాగా క్రుంగదీశాయి” అంటూ చెప్పుకొచ్చాడు.

మొదటి సోమవారం కూడా ఓకే అనిపించిన ‘బైకర్’