ఇటీవల శర్వానంద్ హీరోగా వచ్చిన ‘పడి పడి లేచె మనసు’ చిత్రం డిజాస్టర్ గా నిలిచింది. శర్వానంద్ – సాయి పల్లవి కాంబినేషన్ కావడం… అలాగే విభిన్న చిత్రాలని తెరకెక్కించే హను రాఘవపూడి డైరెక్ట్ చేయడంతో ఈ చిత్రం పై భారీ అంచనాలు నెలకొన్నాయి. అయితే ఎన్నో ఆశలతో థియేటర్ వచ్చిన ప్రేక్షకులు మాత్రం నీరు కారిపోయారు. గతంలో శర్వానంద్ కి ప్లాపులు ఉన్నప్పటికీ.. ఈ రేంజ్లో డిజాస్టర్ పడలేదు. దీంతో తన తదుపరి సినిమా పై చాలా జాగ్రత్తలు తీసుకుంటున్నాడు. సుధీర్ వర్మ డైరెక్షన్లో ‘సితార ఎంటర్టైన్మెంట్స్’ సంస్థ పై సూర్యదేవర నాగవంశీ ఈ చిత్రాన్ని నిర్మిస్తున్నాడు.
ఈ చిత్రంలో శర్వానంద్ డిఫరెంట్ లుక్స్ తో కనిపిస్తున్నాడు. ఈ చిత్రంలో హీరోయిన్లుగా కాజల్ , అలాగే ‘హలో’ ఫేమ్ కల్యాణి ప్రియదర్శన్ నటిస్తున్నారు.ప్రస్తుతం ఈ చిత్ర షూటింగ్ ‘స్పెయిన్’లో జరుగుతోంది. సుమారు 250 మంది డాన్సర్లతో శర్వానంద్ – కాజల్ పై ఒక సాంగ్ ను చిత్రీకరిస్తున్నారట. ఈ చిత్రంతో మొదటి సారి జతకడుతున్నారు కాజల్ – శర్వానంద్. దీంతో ఈ చిత్రం పై మరింత క్రేజ్ నెలకొంది. ఓ గ్యాంగ్ స్టర్ డ్రామాగా ఈ చిత్రం రూపొందుతుందట. ఇప్పటికే 70 శాతం షూటింగ్ పూర్తయ్యిందని సమాచారం.
త్వరలోనే ఈ చిత్ర టైటిల్ ను ఖరారు చేసి ఫస్ట్ లుక్, మరియు టీజర్ ను విడుదల చేసే పనిలో చిత్ర యూనిట్ ఉంది. ఈ చిత్రం కచ్చితంగా తనకి హిట్ ఇస్తుందని నమ్మకంతో శర్వానంద్ భావిస్తున్నాడట. ఇక ఈ చిత్రం తరువాత దిల్ రాజు నిర్మిస్తున్న ’96’ రీమేక్ లో కూడా హీరోగా నటిస్తున్నాడు శర్వా. ఈ చిత్రంలో సమంత హీరోయిన్ గా నటిస్తుంది. ఇక ఈ చిత్రానికి సంబందించిన పూర్తి నటీనటుల వివరాల్ని త్వరలో ప్రకటించబోతున్నారు. ఇదిలా ఉంటే.. కాజల్, సమంత… ఇలా వరుసగా స్టార్ హీరోయిన్లతో నటిస్తున్న శర్వా ఇప్పుడు ‘టాక్ ఆఫ్ ది టౌన్’ అయ్యాడు.Sharwanand
