NTR30: ఎన్టీఆర్30 పై మరో షాకింగ్ అప్ డేట్.. అలా ప్లాన్ చేశారా?

యంగ్ టైగర్ జూనియర్ ఎన్టీఆర్ కొరటాల శివ కాంబినేషన్ లో తెరకెక్కుతున్న సినిమాకు దేవర అనే టైటిల్ ఫిక్స్ కాగా ఈ సినిమా ఫస్ట్ లుక్ కు వచ్చిన రెస్పాన్స్ నెక్స్ట్ లెవెల్ లో ఉందనే సంగతి తెలిసిందే. కొన్ని నెలల క్రితం వరకు సినిమా అప్ డేట్ల కోసం నిరీక్షించిన అభిమానులు ప్రస్తుతం వరుస అప్ డేట్లతో తెగ సంతోషిస్తున్నారు. అయితే ఒకవైపు అధికారిక అప్ డేట్లు వస్తుండగా మరోవైపు అనధికారికంగా ఎన్టీఆర్30 సినిమాకు సంబంధించిన అప్ డేట్స్ వస్తుండటం అభిమానులకు సంతోషాన్ని కలిగిస్తోంది.

తాజాగా ఈ సినిమాకు సంబంధించి మరికొన్ని ఫోటోలు లీక్ కావడంతో పాటు నెట్టింట వైరల్ అవుతున్నాయి. ప్రస్తుతం ఈ సినిమా షూటింగ్ రామోజీ ఫిల్మ్ సిటీలో జరుగుతుండగా టెంపుల్ సెట్ లో ఎన్టీఆర్, సైఫ్ మధ్య కీలక సన్నివేశాలను షూట్ చేస్తున్నారని సమాచారం. ఇందుకు సంబంధించి కొన్ని ఫోటోలు నెట్టింట వైరల్ కాగా ఎన్టీఆర్30 యూనిట్ ఆ ఫోటోలు మరింత వైరల్ కాకుండా జాగ్రత్తలు తీసుకుంటోంది.

ఎన్టీఆర్ సినిమా అంటే అభిమానులు మొదట యాక్షన్ సన్నివేశాలను కోరుకుంటారు. ఈ సినిమాలో యాక్షన్ సన్నివేశాలకు కూడా కొదువ ఉండదని తెలుస్తోంది. ఎన్టీఆర్, జాన్వీ కాంబో సీన్స్ రొమాంటిక్ గా ఉంటాయని సమాచారం అందుతోంది. ఈ సినిమాతో కచ్చితంగా ప్రూవ్ చేసుకోవాల్సి ఉండటంతో స్క్రిప్ట్ కు సంబంధించి కొరటాల శివ తీసుకున్న జాగ్రత్తలు ఎక్కువేనని సమాచారం అందుతోంది.

ఈ సినిమాలో (NTR30) రక్తం ఏరులై పారుతుందని తెలుస్తోంది. దేవర సెట్స్ నుంచి పదే పదే ఫోటోలు లీక్ కావడంపై కొందరు ఫ్యాన్స్ మాత్రం అసంతృప్తిని వ్యక్తం చేస్తున్నారు. దేవర మేకర్స్ జాగ్రత్తలు తీసుకోవాల్సిన తరుణం ఆసన్నమైందని వాళ్లు చెబుతున్నారు. యంగ్ టైగర్ ఎన్టీఆర్ సినీ కెరీర్ లో దేవర మూవీ నెక్స్ట్ లెవెల్ మూవీ అని ఈ సినిమా ఇండస్ట్రీ హిట్ గా నిలవడం ఖాయమని కామెంట్లు వినిపిస్తున్నాయి.

బిచ్చగాడు 2 సినిమా రివ్యూ & రేటింగ్!
డెడ్ పిక్సల్స్ వెబ్ రివ్యూ & రేటింగ్!

అన్నీ మంచి శకునములే సినిమా రివ్యూ & రేటింగ్!
పిల్లలను కనడానికి వయస్సు అడ్డుకాదంటున్న సినీతారలు