దేవి శ్రీ ప్రసాద్ కు పూర్వ వైభవం రావడం లేదే ..!

January 7, 2021 / 09:28 AM ISTByFilmy Focus

Join Us

దేవి శ్రీ ప్రసాద్ కు పూర్వ వైభవం రావడం లేదే ..!

ఓ సినిమాకి దేవి శ్రీ ప్రసాద్ ను సంగీత దర్శకుడిగా ఎంపిక చేసుకుంటే.. ఆ సినిమాకి ఎనలేని క్రేజ్ వస్తుంది అని నమ్మేవాళ్ళు అప్పటి రోజుల్లో..!కానీ ఇప్పటి పరిస్థితి పూర్తిగా రివర్స్ అయ్యిందనే చెప్పాలి.! ‘మహర్షి’ ‘సరిలేరు నీకెవ్వరు’ చిత్రాల టైములో దేవి శ్రీ ప్రసాద్ పై ట్రోలింగ్ కూడా జరిగింది. తన స్థాయికి తగిన మ్యూజిక్ దేవి ఇవ్వలేదంటూ కామెంట్స్ వినిపించాయి. నిజానికి ‘ఆచార్య’ సినిమాకి దేవి శ్రీ ప్రసాద్ ను పక్కన పెట్టారు.

అంతేకాదు ‘సర్కారు వారి పాట’ చిత్రానికి కూడా సంగీత దర్శకుడిగా దేవి శ్రీ ప్రసాద్ నే తీసుకుందామని మహేష్ బాబు దర్శక నిర్మాతలను కోరాడట. కానీ మహేష్ మాటను కాదని వారు గోపి సుందర్ ను తీసుకోబోతున్నట్టు తెలిపారట. అయితే సినిమాకి మాస్ మ్యూజిక్ అవసరమని భావించి తమన్ ను ఫైనల్ చెయ్యమని మహేష్ చెప్పినట్టు ఇన్సైడ్ టాక్. మహేష్ బాబు వంటి స్టార్ హీరో రిఫర్ చేసినా దేవి శ్రీ ప్రసాద్ ను దర్శక నిర్మాతలు పట్టించుకోవడం లేదంటే..

ప్రస్తుతం అతనికి బ్యాడ్ టైం నడుస్తుందని చెప్పొచ్చు. ఇక మరోపక్క ‘ఉప్పెన’ సినిమాకి 3 చార్ట్ బస్టర్ సాంగ్స్ అందించాడు. అలాగే ‘రంగ్ దే’ సినిమాలో ‘ఏమిటో ఇది’ , తాజాగా ‘అల్లుడు అదుర్స్’ లో ‘హోలా చిక’ అనే చార్ట్ బస్టర్స్ సాంగ్స్ ను అందించాడు దేవి శ్రీ ప్రసాద్. అయినప్పటికీ పెద్ద సినిమాలకు దర్శకనిర్మాతలు దేవి శ్రీ ప్రసాద్ ను సంప్రదించడం లేదు. ఒకవేళ ‘పుష్ప’ పాటలు కూడా సూపర్ హిట్ అయితే అప్పుడు దేవి శ్రీ ప్రసాద్ తిరిగి బిజీ అవుతాడేమో చూడాలి.