సుడిగాడు సక్సెస్ తర్వాత వరుస ఫ్లాపులతో ఢీలా పడిన అల్లరి నరేష్ గతేడాది నాంది సినిమాతో సక్సెస్ ను సొంతం చేసుకున్నారనే సంగతి తెలిసిందే. ఈ సినిమాకు విజయ్ కనకమేడల దర్శకుడు కాగా ఈ సినిమా విజయ్ కు కూడా మంచి పేరు తెచ్చిపెట్టింది. విమర్శకులు సైతం ఈ సినిమా విషయంలో విజయ్ ను ప్రశంసించారు. అయితే ఈ దర్శకునికి ఇప్పటివరకు రెండో సినిమా ఫిక్స్ కాకపోవడం గమనార్హం. మిడిల్ రేంజ్ హీరోలలో చాలామంది హీరోలకు కథలు చెబుతున్నా ఏ హీరో ఈ సినిమాకు గ్రీన్ సిగ్నల్ ఇవ్వడం లేదు.
విజయ్ కనకమేడల తను తయారు చేసుకున్న కథతో మొదట నాగచైతన్యను సంప్రదించారని చైతన్య నో చెప్పడంతో కళ్యాణ్ రామ్, గోపీచంద్ మరి కొందరు హీరోలకు విజయ్ కథ చెప్పగా ఒక్కో హీరో ఒక్కో కారణం చెప్పి ఈ సినిమాను రిజెక్ట్ చేశారని సమాచారం అందుతోంది. ఏ హీరో ఛాన్స్ ఇవ్వకపోవడంతో విజయ్ చివరకు నరేష్ కు కథ చెప్పడానికి సిద్ధమయ్యారని తెలుస్తోంది. అయితే చైతన్య, కళ్యాణ్ రామ్ రిజెక్ట్ చేసిన కథ అల్లరి నరేష్ కు సూట్ అవుతుందా అనే ప్రశ్నలు వ్యక్తమవుతున్నాయి.
విచిత్రం ఏమిటంటే సైన్ స్క్రీన్స్ సాహో ఈ సినిమాను ఏ హీరోతో అయినా నిర్మించడానికి సిద్ధంగా ఉన్నారు. అయితే హీరో దొరకడం ఈ ప్రాజెక్ట్ కు సమస్యగా మారింది. అల్లరి నరేష్ కూడా హ్యాండ్ ఇస్తే మాత్రం విజయ్ కనకమేడలకు ఇబ్బందే అని కామెంట్లు వ్యక్తమవుతున్నాయి. ఫ్లాపుల్లో ఉన్న చాలామంది డైరెక్టర్లు వరుస ఆఫర్లతో బిజీగా ఉంటే హిట్ ఇచ్చిన విజయ్ కనకమేడలకు మాత్రం విచిత్రమైన పరిస్థితి ఏర్పడటం గమనార్హం.
అల్లరి నరేష్ సైతం కెరీర్ విషయంలో ఆచితూచి అడుగులు వేస్తున్నారు. గతంతో పోలిస్తే సినిమాల విషయంలో అల్లరి నరేష్ వేగం తగ్గించారు.
Most Recommended Video
పెళ్లొద్దు.. సినిమాలే ముద్దు… అంటున్న 12 మంది నటీనటులు వీరే..!
తమ సొంత పేర్లనే సినిమాల్లో పాత్రలకి పెట్టుకున్న హీరోల లిస్ట్..!
ఈ 11 హీరోయిన్ల కాంబోలు అనేక సినిమాల్లో రిపీట్ అయ్యాయి..!
Home
