మరికొన్ని గంటల్లో థియేటర్లలో ఆచార్య సినిమా ప్రదర్శితం కానుంది. ఆచార్య బెనిఫిట్ షోలకు సంబంధించి ఎలాంటి అప్ డేట్ లేకపోవడంతో ఉదయం 7 గంటల నుంచి ఈ సినిమా షోలు మొదలయ్యే ఛాన్స్ ఉందని తెలుస్తోంది. అయితే ఆచార్య రిలీజ్ డేట్ వెనుక ఆసక్తికర కథ ఉంది. రంజాన్ పండుగ సెలవు కలిసొస్తుందనే ఆలోచనతో ఏడాది క్రితం ఎన్టీఆర్ కొరటాల కాంబో మూవీ 2022 సంవత్సరం ఏప్రిల్ 29వ తేదీన విడుదల చేస్తామని ప్రకటన వెలువడింది.
కానీ ఎవరూ ఊహించని విధంగా ఈ ప్రాజెక్ట్ అంతకంతకూ ఆలస్యమై ఈ ఏడాది జూన్ నెల నుంచి ఈ సినిమా రెగ్యులర్ షూటింగ్ మొదలుకానుంది. ఎన్టీఆర్ కొరటాల శివ కాంబో మూవీ ఈ డేట్ ను మిస్ చేసుకుంది. ఆ తర్వాత పవన్ కళ్యాణ్ హీరోగా తెరకెక్కుతున్న హరిహర వీరమల్లు సినిమాను సైతం 2022 సంవత్సరం ఏప్రిల్ 29వ తేదీన విడుదల చేస్తున్నట్టు ప్రకటన వెలువడింది. అయితే హరిహర వీరమల్లు సినిమా షూటింగ్ అనుకున్న విధంగా జరగలేదు.
అందువల్ల ఈ సినిమా రిలీజ్ డేట్ సైతం మారింది. ప్రస్తుతం ఈ సినిమా రెగ్యులర్ షూటింగ్ జరుగుతుండగా త్వరలో రిలీజ్ డేట్ కు సంబంధించి క్లారిటీ వచ్చే ఛాన్స్ ఉంది. ఈ రెండు సినిమాలలో ఏ సినిమా ఈ తేదీకి రిలీజైనా ఆచార్య మరో డేట్ కు విడుదలయ్యేది. ఆర్ఆర్ఆర్, ఎఫ్3 మూవీ మేకర్స్ సైతం ఏప్రిల్ 28వ తేదీని పరిశీలించినా ఆర్ఆర్ఆర్ మార్చి నెల 25వ తేదీనే విడుదల కాగా ఎఫ్3 మే నెల 27వ తేదీన విడుదల కానుంది.
ఆచార్య మూవీ సైతం వేర్వేరు రిలీజ్ డేట్లను మార్చుకుని ఏప్రిల్ 29వ తేదీన విడుదలవుతోంది. కరోనా ప్రభావం తగ్గడంతో ఆచార్య అంచనాలకు మించి కలెక్షన్లను సాధిస్తుందని ఫ్యాన్స్ భావిస్తున్నారు. ఆచార్య సినిమా ఫుల్ రన్ లో ఏ స్థాయిలో కలెక్షన్లను సొంతం చేసుకుంటుందో చూడాల్సి ఉంది.
Most Recommended Video
‘కె.జి.ఎఫ్2’ నుండీ అదిరిపోయే 23 డైలాగులు ఇవే..!
‘అమెజాన్ ప్రైమ్’ లో అత్యధిక వ్యూస్ ను నమోదు చేసిన తెలుగు సినిమాల లిస్ట్!
వీళ్ళు సరిగ్గా శ్రద్ద పెడితే… బాలీవుడ్ స్టార్లకు వణుకు పుట్టడం ఖాయం..!
Home