ఇటీవల ఓ ఇంటర్వ్యూలో టాలీవుడ్ సక్సెస్ ఫుల్ ప్రొడ్యూసర్ దిల్ రాజు ఫేక్ కలెక్షన్స్ పై చేసుకున్న కామెంట్స్ హాట్ టాపిక్ అయ్యాయి. ‘ఆర్.ఆర్.ఆర్’ చిత్రాన్ని నైజాంలో డిస్ట్రిబ్యూట్ చేసిన దిల్ రాజు.. ఆ చిత్రానికి గాను చెప్పిన కలెక్షన్లు ఒకటైతే నిర్మాతలు మరో నెంబర్ వేసుకుని పబ్లిసిటీ చేసినట్టు యాంకర్ అడిగాడు. అందుకు దిల్ రాజు.. మేము ఒరిజినల్ నెంబర్ వేసి పంపిస్తాము.. మధ్యలో మేము ఎవ్వరికీ చెప్పకూడదు, నిర్మాతలు ఏ నెంబర్ వేసుకుంటారు అనేది మాకు సంబంధం ఉండదు..
అయినా ఆ నెంబర్ల వల్ల అభిమానులు ఎంత సేపు ఆనందిస్తారు.. గట్టిగా ఒక అరగంట మాత్రమే’ అంటూ చెప్పుకొచ్చారు. కానీ ఇప్పుడు తన ‘ఎఫ్3’ సినిమాకి రూ.110 కోట్లు గ్రాస్ వచ్చినట్టు పోస్టర్ రిలీజ్ చేశారు. దీంతో ఇప్పుడు దిల్ రాజు పై సెటైర్లు వినిపిస్తున్నాయి. నిజానికి ‘ఎఫ్3’ చిత్రం ఇప్పటికీ రూ.90 కోట్ల గ్రాస్ మార్క్ ను టచ్ చేయలేదు. శనివారం కలెక్షన్లతోనే దిల్ రాజు రూ.100 కోట్లు గ్రాస్ మార్క్ ను టచ్ చేసినట్టు చెప్పుకొచ్చారు.
అయితే ఈరోజు అనగా సోమవారానికి రూ.110 కోట్ల పోస్టర్ ను రిలీజ్ చేశారు. దాంతో దిల్ రాజు పై అలాగే ‘ఎఫ్3’ యూనిట్ పై సెటైర్లు పడుతున్నాయి. మొదటి వారం ‘ఎఫ్3’ మూవీ బాగా కలెక్ట్ చేసింది అన్నది వాస్తవం. వీక్ డేస్ లో కూడా సూపర్ గా పెర్ఫార్మ్ చేసింది. కానీ గత శుక్రవారం నాడు ‘మేజర్’ ‘విక్రమ్’ వంటి సినిమాలు రిలీజ్ అవ్వడంతో ‘ఎఫ్3’ కలెక్షన్లు తగ్గాయి. కానీ ఉన్నంతలో ‘ఎఫ్3’ పర్వాలేదు అనిపించింది.
రూ.64 కోట్ల బ్రేక్ ఈవెన్ టార్గెట్ తో బరిలోకి దిగిన ‘ఎఫ్3’ ఇప్పటివరకు అంటే 10 రోజులకి గాను రూ.51 కోట్ల వరకు షేర్ ను కలెక్ట్ చేసింది. అంటే దాదాపు 80 శాతం రికవరీ సాధించినట్టే. కానీ ఇలా పోస్టర్ ల పై నెంబర్లు పెంచినంత మాత్రాన సినిమాకి కలిసొచ్చేదేంటి.. అంటూ కొందరు నెటిజన్లు కామెంట్లు చేస్తున్నారు.
Most Recommended Video
విక్రమ్ సినిమా రివ్యూ & రేటింగ్!
వెంకీ టు నితిన్… ఛాలెంజింగ్ పాత్రలు చేసిన 10 మంది హీరోల లిస్ట్
ప్రభాస్ టు నాని… నాన్ థియేట్రికల్ రైట్స్ రూపంలో భారీగా కలెక్ట్ చేసే హీరోలు..!
