బాలీవుడ్‌లో ‘హౌస్‌ఫుల్’ ఫ్రాంచైజీలకి మంచి క్రేజ్ ఉంది. ట్రేడ్లో కూడా వీటికి మంచి గిరాకీ ఏర్పడింది. 2010 నుండి ఈ ఫ్రాంచైజీలో భాగంగా వచ్చే సినిమాలు అన్నీ మంచి విజయాలు అందుకుంటున్నాయి. కామెడీ ప్రధానంగా వీటి సీక్వెల్స్ తీస్తున్నారు. ఇప్పటికీ ఈ ఫ్రాంచైజీ లో భాగంగా 5 సినిమాలు వచ్చాయి. అన్నీ మంచి విజయాలు అందుకున్నాయి. కామెడీ, యాక్షన్ కామెడీ, రొమాంటిక్ కామెడీ, థ్రిల్లర్ కామెడీ.. ఇలాంటి అదనపు ఆకర్షణలతో వీటి సీక్వెల్స్ తీస్తున్నారు.
అయితే కామెడీ పేరు చెప్పి గ్లామర్ డోస్ విషయంలో ఇప్పటివరకు శృతి మించింది లేదు. కానీ లేటెస్ట్ గా వచ్చిన ‘హౌస్‌ఫుల్ 5’ (Housefull 5) విషయంలో మాత్రం లెక్కలు మారిపోయాయి. ఇందులో అశ్లీలత, డబుల్ మీనింగ్ డైలాగులు ఎక్కువగానే ఉన్నాయి. ‘హౌస్ ఫుల్ 5’ లో అక్షయ్ కుమార్ (Akshay Kumar), అభిషేక్‌ బచ్చర్‌ (Abhishek Bachchan), రితేశ్‌ దేశ్‌ముఖ్‌ (Riteish Deshmukh), సంజయ్‌ దత్‌(Sanjay Dutt), నానా పటేకర్, జాకీ ష్రాఫ్, జాక్వెలిన్ ఫెర్నాండెజ్(Jacqueline Fernandez), నర్గీస్‌ ఫక్రీ ( Nargis Fakhri), సోనమ్‌ భజ్వా (Sonam Bajwa), జానీ లివర్.. వంటి బాలీవుడ్ స్టార్లు నటించారు.
ఇలాంటి బోల్డ్ బ్యాచ్ ఉన్నప్పుడు గ్లామర్ తగ్గుతుందా? అస్సలు తగ్గలేదు. పైగా నిమిషం గ్యాప్లో 5,6 డబుల్ మీనింగ్ డైలాగులు వచ్చి వెళ్తూ ఉంటాయి. సౌత్ సినిమాలపై కొంతమంది బాలీవుడ్ స్టార్స్ గతంలో చాలా నెగిటివ్ కామెంట్స్ చేశారు. ‘విమెన్ ని అబ్జెక్ట్‌ లా చూపిస్తాయి సౌత్ సినిమాలు’ అనే ఆరోపణలు చేశారు. మరి ఇప్పుడు బాలీవుడ్ వాళ్ళు చేస్తుంది ఏంటి? అనే ప్రశ్నలు వెల్లువెత్తుతున్నాయి. ‘హౌస్ ఫుల్ 5’ కి సంబంధించిన అశ్లీల వీడియోలు సోషల్ మీడియాలో వైరల్ అవుతున్నాయి కూడా.!
