“సాహో” సినిమాలో అవకాశం అందుకోవడానికి ముందు శ్రద్ధాకపూర్ కి ఒక్కటంటే ఒక్క సరైన హిట్ కూడా లేదు. “బాఘి” సినిమా తర్వాత శ్రద్ధాకపూర్ కి చెప్పుకోవడానికి ఒక్కటంటే ఒక్క హిట్ కూడా లేదు. దాదాపు ఆరు ఫ్లాపుల అనంతరం ఆమెను “సాహో” సినిమా కోసం క్యాస్ట్ చేసుకోవడం పట్ల తొలుత ప్రభాస్ అభిమానులు కూడా విముఖత చూపారు. కానీ.. అమ్మడి అందం, అభినయ సామర్ధ్యం తెలిసిన తర్వాత సంతోషించారు. అయితే.. అమ్మడికి ప్రభాస్ తో కలిసి నటించిన తర్వాత అదృష్టం కలిసొచ్చిందో ఏమో కానీ సడన్ గా బాలీవుడ్ లో ఓ సూపర్ హిట్ అందుకొంది.
రాజ్ కుమార్ రావు కథానాయకుడిగా తెరకెక్కిన “స్త్రీ” చిత్రం గత శుక్రవారం విడుదలై మంచి టాక్ తో సూపర్ హిట్ దిశగా ముందుకు సాగుతుంది. ఈ చిత్రంలో శ్రద్ధాకపూర్ హీరోయిన్ గా నటించడమే కాక ప్రధాన పాత్ర పోషించింది. 90ల కాలంలో “ఓ స్త్రీ రేపు రా” అనే ఓ నేచురల్ ఫీనామినాన్ నేపధ్యంలో తెరకెక్కిన హిలేరియస్ కామెడీ ఎంటర్ టైనర్ తో శ్రద్ధాకపూర్ హిట్ కొట్టడంతో ఇప్పుడు ప్రభాస్ కి ఉన్న మార్కెట్ కి, బాలీవుడ్ లో అతడి స్టార్ డమ్ పెంచడంలో శ్రద్ధాకపూర్ యాడ్ ఆన్ ప్యాకేజ్ లా ఉంటుందని భావిస్తున్నారు.
Home