సంక్రాంతికి శృతిహాసన్ నటించిన రెండు సినిమాలు వరుసగా విడుదలైన విషయం తెలిసిందే. నటసింహం నందమూరి బాలయ్య హీరోగా నటించిన ‘వీర సింహారెడ్డి’ చిత్రంలోనూ, అలాగే మెగాస్టార్ చిరంజీవి హీరోగా తెరకెక్కిన ‘వాల్తేరు వీరయ్య’ లోనూ శృతిహాసనే హీరోయిన్. ఈ రెండు సినిమాలు బాక్సాఫీస్ వద్ద మంచి విజయాన్ని అందుకున్నాయి. ఇలా వరసగా విడుదలైన ఇద్దరు అగ్ర హీరోల చిత్రాలలో నటించిన ఘనత శృతిహాసన్ సొంతం చేసుకోగా.. ఇప్పుడు మిల్కీ బ్యూటీ తమన్నా భాటియా వంతొచ్చింది.
ఇండిపెండెన్స్ డే స్పెషల్గా ఇటు తెలుగు, అటు తమిళ భాషల్లో ఇద్దరు అగ్రహీరోలతో కలిసి (Tamanna) తమన్నా నటించిన చిత్రాలు విడుదలకానున్నాయి. వీటిలో ఒకటి సూపర్స్టార్ రజనీకాంత్ ‘జైలర్’ కాగా, మరొకటి మెగాస్టార్ చిరంజీవి నటించిన ‘భోళాశంకర్’. నిజానికి తమన్నా సినీ కెరీర్ ముగిసిపోయిందంటూ జోరుగా ప్రచారం సాగింది. ఇలాంటి తరుణంలో ఆమెకు ఏకంగా ఇద్దరు అగ్రహీరోలతో నటించే అవకాశం వరించింది. దీంతో ఒక్కసారిగా ఆమె ఫోకస్లోకి వచ్చింది. ఇక రజనీకాంత్తో నటించిన ‘జైలర్’ చిత్రం ఆగస్ట్ 10న విడుదల కాబోతుండగా..
సన్ పిక్చర్స్ సంస్థ నిర్మిస్తున్న ఈ చిత్రానికి నెల్సన్ దర్శకత్వం వహిస్తున్నారు. ఈ సినిమాలో రజనీకాంత్ సరసన తమన్నా కూడా నటించిన విషయం తెలిసిందే..అలాగే మెగాస్టార్ చిరంజీవితో నటించిన ‘భోళాశంకర్’ చిత్రం ఆ మరుసటి రోజు అంటే ఆగస్ట్ 11న విడుదల కానుంది. ఈ సినిమా తమిళ్లో అజిత్ హీరోగా రూపొందిన ‘వేదాళం’ సినిమాకు రీమేక్గా తెరకెక్కుతున్న చిత్రానికి మెహర్ రమేష్ దర్శకుడు. తమన్నా కథానాయిక కాగా.. చిరంజీవికి చెల్లెలి పాత్రలో కీర్తి సురేష్ నటిస్తోంది.
సంక్రాంతికి కూడా ఇలానే మెగాస్టార్ చిత్రం బాలయ్య సినిమా విడుదల తర్వాత వచ్చి బాక్సాఫీస్ వద్ద సునామీ సృష్టించింది. ఇప్పుడు బాక్సాఫీస్ వద్ద ఏం జరగబోతోందో చూడాలి. ఇక తమన్నా విషయానికి వస్తే.. ఇపుడు మిల్కీబ్యూటీ ఈ రెండు చిత్రాలతో పాటు మరికొన్ని కొత్త ప్రాజెక్టులకు కూడా కమిట్ అయ్యారు. అదేసమయంలో ఆమె.. తన ప్రియుడిని వివాహం చేసుకోబోతున్నారనేలా ప్రచారం కూడా సాగుతోంది. దీనిపై తమన్నా ఓ క్లారిటీ ఇవ్వాల్సి ఉంది.
రామబాణం సినిమా రివ్యూ & రేటింగ్!
ఉగ్రం సినిమా రివ్యూ & రేటింగ్!
గుడి కట్టేంత అభిమానం.. ఏ హీరోయిన్స్ కు గుడి కట్టారో తెలుసా?
ఇంగ్లీష్ లో మాట్లాడటమే తప్పా..మరి ఇంత దారుణంగా ట్రోల్స్ చేస్తారా?
