బాలీవుడ్ సినిమా సైన్ చేసిన శ్రుతిహాసన్!

తెలుగు శ్రుతిహాసన్ నటించిన ఆఖరి సినిమా అయిన “కాటమరాయుడు” విడుదలై కూడా ఏడాది దాటిపోయింది. ఆ తర్వాత తండ్రితో కలిసి “శభాష్ నాయుడు” సినిమా చేయడం కోసం బల్క్ డేట్స్ ఇవ్వడం వలన వేరే సినిమాలు సైన్ చేయలేకపోయింది. ఇక అప్పటికే ఒప్పుకొన్న “సంఘమిత్ర” నుంచి తప్పుకోవడం, కమల్ హాసన్ కాలు విరగడం వలన “శభాష్ నాయుడు” దాదాపుగా ఆగిపోవడంతో కొన్నాళ్లపాటు సినిమాలకు దూరంగా ఉంటూ.. తన బోయ్ ఫ్రెండ్ తో టైమ్ పాస్ చేసిన శ్రుతిహాసన్ ఎట్టకేలకు ఒక బాలీవుడ్ సినిమా సైన్ చేసింది. విద్యుత్ జమ్వాల్ కథానాయకుడిగా తెరకెక్కనున్న ఓ హిందీ సినిమాలో శ్రుతి హాసన్ కథానాయికగా నటించనుంది.

ఈ సినిమాతోపాటు మరో తెలుగు సినిమా సైన్ చేసేందుకు కూడా శ్రుతిహాసన్ సన్నద్ధమవుతోందని తెలుస్తోంది. కమల్ హాసన్ కూడా “శభాష్ నాయుడు” చిత్రాన్ని ఈ ఏడాది పూర్తి చేసి విడుదల చేయాలనుకొంటున్నాడు. చూస్తుంటే.. ఒక ఏడాది మొత్తం రెస్ట్ తీసుకొన్న శ్రుతి ఈ ఏడాది వరుస సినిమాలతో తన అభిమానులను అలరించేందుకు సిద్ధమైందని తెలుస్తోంది.