కమల్ హాసన్ కూతురిగా సినీ ఇండస్ట్రీలోకి ఎంట్రీ ఇచ్చినా కూడా తనకంటూ ప్రత్యేక గుర్తింపు సంపాదించుకున్న భామ శృతి హాసన్. తాజాగా తన వ్యక్తిగత జీవితంపై చేసిన వ్యాఖ్యలు హాట్ టాపిక్గా మారాయి. సినీ ఇండస్ట్రీలో వరుసగా పెళ్లిలు జరుగుతున్న సమయంలో, పెళ్లిపై ఆమె తీసుకున్న నిర్ణయం అభిమానులను ఆశ్చర్యానికి గురిచేస్తోంది. తన గత అనుభవాల కారణంగా శృతి మాత్రం భిన్నంగా ఆలోచిస్తూ తన జీవితాన్ని కొత్త కోణంలో చూడాలని నిర్ణయించుకుంది.
తన కెరీర్ ప్రారంభంలో విమర్శలు ఎదుర్కొన్నప్పటికీ, తన ప్రతిభతో స్టార్ హీరోయిన్గా ఎదిగిన శృతి హాసన్ నటనతో పాటు సంగీతంలో కూడా తనదైన ముద్ర వేసింది. సోషల్ మీడియాలో యాక్టివ్గా ఉండే ఆమె, వ్యక్తిగత విషయాలపై ఎవరైనా జోక్యం చేసుకుంటే మాత్రం స్పష్టంగా స్పందిస్తుంది. ఈ మధ్య ఇచ్చిన ఒక ఇంటర్వ్యూలో ఆమె తన ప్రేమ, పెళ్లి గురించి ఓపెన్గా మాట్లాడింది.
శృతి మాట్లాడుతూ తన జీవితంలో ఇప్పటివరకు పలుమార్లు ప్రేమలో పడ్డానని, కానీ ప్రతి సంబంధం కూడా బాధతోనే ముగిసిందని వెల్లడించింది. ఆ అనుభవాలు తనలో చాలా మార్పులు తీసుకువచ్చాయని చెప్పింది. అదే కారణంగా ఇప్పుడు ప్రశాంతంగా, ఒంటరిగా జీవించడం మంచిదని భావించానని తెలిపింది. ప్రస్తుతం తనకు పెళ్లి కంటే వ్యక్తిగత ప్రశాంతత, స్వేచ్ఛ ముఖ్యమని స్పష్టం చేసింది.
ఆమె వ్యాఖ్యలు సోషల్ మీడియాలో వైరల్ అవుతుండగా, కొంతమంది అభిమానులు ఆశ్చర్యపోతున్నారు. మరోవైపు, ఆమె నిర్ణయాన్ని గౌరవిస్తూ మద్దతు తెలుపుతున్నవారూ ఉన్నారు. మొత్తానికి, శృతి హాసన్ తీసుకున్న ఈ నిర్ణయం ప్రస్తుతం ఇండస్ట్రీలో చర్చనీయాంశంగా మారింది.
