గత కొంతకాలంగా సరైన హిట్ లేని న్యాచురల్ స్టార్ నాని శ్యామ్ సింగరాయ్ సినిమాతో బిగ్గెస్ట్ బ్లాక్ బస్టర్ హిట్ సాధిస్తానని నమ్ముతున్నారు. ఇప్పటికే విడుదలైన పోస్టర్లు, టీజర్ కూడా ప్రేక్షకులకు ఆ నమ్మకాన్ని కలిగిస్తుండటం గమనార్హం. శ్యామ్ సింగరాయ్ సినిమా 50 కోట్ల రూపాయల బడ్జెట్ తో తెరకెక్కగా ఈ నెల 24వ తేదీన థియేటర్లలో ఈ సినిమా రిలీజ్ కానుంది. ఈ సినిమాకు పోటీగా రిలీజ్ కావాల్సిన గని సినిమా ఇప్పటికే తప్పుకుంది.
పుష్ప విడుదలైన వారానికి శ్యామ్ సింగరాయ్ రిలీజ్ కానున్న నేపథ్యంలో ఈ సినిమాకు భారీ సంఖ్యలో థియేటర్లు లభించే అవకాశాలు అయితే ఉన్నాయని చెప్పవచ్చు. సక్సెస్ లో ఉన్న సాయిపల్లవి, కృతిశెట్టి ఈ సినిమాలో హీరోయిన్లుగా నటించడం సినిమాకు ప్లస్ అవుతోంది. అయితే ఈ సినిమాకు బిజినెస్ బాగా జరగడంతో నాని సంతోషిస్తున్నారని తెలుస్తోంది. శ్యామ్ సింగరాయ్ నాన్ థియేట్రికల్ హక్కులు 30 కోట్ల రూపాయలకు అమ్ముడయ్యాయి. థియేటర్లలో కనీసం 20 కోట్ల నుంచి 22 కోట్ల రూపాయలు సాధిస్తే ఈ సినిమా హిట్ అనిపించుకుంటుంది.
క్రిస్మస్ సీజన్, న్యూ ఇయర్ వల్ల ఈ సినిమా హిట్ అనిపించుకుంటుందేమో చూడాల్సి ఉంది. ఈ సినిమా ఆంధ్ర హక్కులు 12 కోట్ల రూపాయలకు అమ్ముడయ్యాయని సమాచారం. వెంకట్ బోయనపల్లి ఈ సినిమాకు నిర్మాతగా వ్యవహరించారు. వెంకట్ బోయనపల్లికి భారీగా లాభాలు రాకపోయినా విడుదలకు ముందు టేబుల్ ప్రాఫిట్ దక్కిందని సమాచారం.
Most Recommended Video
‘అఖండ’ మూవీ నుండీ గూజ్ బంప్స్ తెప్పించే 15 డైలాగ్స్..!
సిరివెన్నెల సీతారామశాస్త్రి గారి గురించి మనకు తెలియని విషయాలు..!
22 ఏళ్ళ రవితేజ ‘నీకోసం’ గురించి ఆసక్తికరమైన విషయాలు…!
