ప్రముఖ నటి సిమ్రన్‌ (Simran) గురించి గత కొన్ని రోజులుగా ఏవేవో వార్తలు వస్తూనే ఉనర్నాయి. సోషల్‌ మీడియాలో ఏవేవో రాస్తున్నారు కూడా. అయితే చాలామందిలాగే ఆమె కూడా స్పందించకుంగా కామ్‌గా ఉన్నారు. దీంతో ఆమె సైలెంట్‌.. అని అందరూ అనుకున్నారు. కానీ అనూహ్యంగా ఆమె వైలెంట్‌గా రిప్లై ఇచ్చింది. దీంతో ఒక్కసారిగా అందరూ షాక్‌ అవ్వాల్సి వచ్చింది. ఎందుకంటే అలా రిప్లై ఇచ్చింది మరి ఆమె. ఇంతకాలం నిశ్శబ్దంగా ఉన్నాను.. ఇప్పుడు అన్నింటికీ స్పష్టత ఇస్తున్నాను అని సిమ్రన్‌ చాలా మాట్లాడారు.
తనకు ఇప్పటికిప్పుడు పెద్ద హీరోలతో వర్క్ చేయాలనే ఆలోచన ఇప్పుడు లేదని సిమ్రన్‌ స్పష్టం చేశారు. మనల్ని ఒకరు మానసికంగా కన్‌ఫ్యూజ్‌ చేయడం.. ఆ విషయాలను మీ స్నేహితులు నమ్మడం చూస్తుంటే బాధగా ఉంది. ఇప్పుడు నా లక్ష్యాలు భిన్నంగా ఉన్నాయి. నా పరిమితులు నాకు ఉన్నాయి అని క్లారిటీ ఇచ్చారు సిమ్రన్‌. నన్ను వేరే విషయానికి ముడిపెడుతూ ఇన్నేళ్లుగా సోషల్‌ మీడియాలో వార్తలు వస్తున్నా.. సైలెంట్‌గా ఉన్నా. అయితే నాకు ఆత్మగౌరవం ఉంది.
దానికే నా మొదటి ప్రాధాన్యత కూడా. నిజానికి STOP అనేది చాలా శక్తివంతమైన పదం. ఆ పదాన్ని ఇప్పుడు వాడుతున్నా.. అందుకే ఇకనైనా ఆపండి. ఈ ప్రచారాలపై క్లారిటీ కోసం ఎవరూ నన్ను కాంటాక్ట్‌ అవ్వలేదు. ఎవరికి నచ్చింది వారు అనుకున్నారు. నా మనోభావాలతో వారికి పని లేదు అనిపిస్తోంది. నేను ఎప్పుడూ నిజాన్నే నమ్ముకున్నాను. ఇండస్ట్రీ నుండి కూడా అదే కోరుకున్నాను. నా గురించి తప్పుడు వార్తలు ప్రచారం చేస్తోన్న వారు నాకు వెంటనే క్షమాపణలు చెప్పాలి అని సిమ్రన్‌ డిమాండ్‌ చేసింది.
ఇంతలా ఆమె ఎందుకు రియాక్ట్‌ అయ్యారంటే.. సినీ నిర్మాణంలోకి అడుగుపెట్టాలని, విజయ్‌తో (Vijay Thalapathy) భారీ బడ్జెట్‌ సినిమా తెరకెక్కించాలని సిమ్రన్‌ భావిస్తున్నారని.. అందుకోసమే విజయ్‌ని సంప్రదించారని పుకార్లు వచ్చాయి. అయితే విజయ్‌ ఆసక్తి చూపించలేదని కూడా కొంతమంది రాశారు. ఈ విషయం విసుగు చెందే సిమ్రన్‌ ఇలా రియాక్ట్‌ అయ్యారు అని అంటున్నారు.
