సీనియర్ దర్శక నిర్మాత ఎం ఎస్ రాజు దర్శకత్వంలో తెరకెక్కుతున్న చిత్రం డర్టీ హరి. ఫస్ట్ లుక్ పోస్టర్ తో సినిమా సో హాట్ అని సంకేతాలు పంపారు. బాత్ టబ్ లో హీరో నోట్లో అమ్మాయి కాలితో సిగరెట్ పెడుతుండగా అతను వెలిగించుకుంటున్న పోస్టర్ విడుదల చేశారు. ఆ పోస్టర్ చూసిన ఎవరికైనా ‘డర్టీ హరి’ టూ మచ్ డర్టీ అని అర్థం అవుతుంది. గతంలో వాన, తూనీగా తూనీగా వంటి ఫీల్ గుడ్ లవ్ స్టోరీస్ కి దర్శకత్వం వహించిన ఆయన ఈ సారి తన పంధా మార్చినట్టున్నారు. ట్రెండ్ కి తగ్గట్టుగా కొంచెం బోల్డ్ కంటెంట్ ఎంచుకొని సినిమా చేస్తున్నారు. ఈ చిత్రంతో నూతన నటుడు శ్రవణ్ రెడ్డి హీరోగా పరిచయమవుతున్నారు.
కాగా హీరోయిన్ గా రుహాణి శర్మ నటిస్తున్నారు. పద్ధతిగా చీర కట్టుకుని ట్రెడిషనల్ లుక్ లో వున్న ఆమె పోస్టర్ రెండు రోజుల క్రితం విడుదల చేసి మరో షాక్ ఇచ్చారు. మొదటి పోస్టర్ కి రెండో పోస్టర్ కి సంబంధం లేకపోవడమే ఇందుకు కారణం. ఇక నేడు ఈ చిత్రంలోని మరో హీరోయిన్ సిమ్రత్ కౌర్ లుక్ విడుదల చేశారు. సిమ్రత్ కౌర్ లుక్ కుర్రకారుకి కిక్కెక్కించే రీతిలో సో హాట్ గా ఉంది. ఆమె పోజ్ చూస్తుంటే డర్టీ హరి యొక్క డర్టీ హీరోయిన్ గా సిమ్రత్ కౌర్ నటిస్తుందనిపిస్తుంది. ఏదేమైనా ప్రచార చిత్రాలతోనే డర్టీ హరి చిత్రంపై హైప్ క్రియేట్ చేస్తున్నారు చిత్ర యూనిట్. ఎస్ పి జె క్రియేషన్స్ పతాకంపై గూడూరు సతీష్, గూడూరు సాయి ప్రణీత్ ఈ చిత్రాన్ని నిర్మిస్తున్నారు. 2008లో వచ్చిన ట్రాజిక్ లవ్ స్టోరీ వాన చిత్రం తరువాత దాదాపు 12ఏళ్ల తరువాత ఎం ఎస్ రాజు మెగా ఫోన్ పడుతున్నారు. నిర్మాతగా ఒక్కడు, నువ్వొస్తానంటే నేనొద్దంటానా , మనసంతా నువ్వే, వర్షం వంటి బ్లాక్ బస్టర్ హిట్ చిత్రాలు చేసిన ఆయన దర్శకుడిగా రెండు ప్రయత్నాలలోనూ విఫలం చెందారు. మరి డర్టీ హరి చిత్రంతో నైనా ఆయన విజయతీరం సాధిస్తాడేమో చూడాలి.
అతడే శ్రీమన్నారాయణ సినిమా రివ్యూ & రేటింగ్!
తూటా సినిమా రివ్యూ & రేటింగ్!
