Sneha : కదల్లేని పరిస్థితుల్లో నరకం అనుభవించా : నటి స్నేహ

సినీ ప్రపంచంలో వెలుగులు వెనుక చాలా చీకటి జ్ఞాపకాలు దాగి ఉంటాయి. ఒకప్పుడు తన అందం, సహజమైన నటనతో కుటుంబ ప్రేక్షకుల హృదయాల్లో ప్రత్యేక స్థానం సంపాదించుకున్న హీరోయిన్ స్నేహ ఇటీవల తన జీవితంలో ఎదుర్కొన్న కఠిన దశను గుర్తుచేసుకుని భావోద్వేగానికి లోనయ్యారు.

Sneha

కెరీర్ పీక్‌లో వరుస సినిమాలతో బిజీగా ఉన్న సమయంలోనే తాను తీవ్ర ప్రమాదానికి గురయ్యానని ఆమె వెల్లడించారు. ఆ ప్రమాదంలో చేతులు, కాళ్లు, వెన్నుపూసకు గాయాలయ్యాయని, కనీసం నిలబడటానికే నెలల సమయం పట్టిందని చెప్పారు. “ఆ రోజుల్లో నేను నిజంగానే నరకం అనుభవించాను. నా కెరీర్ అక్కడితో ముగిసిపోయిందనిపించింది” అని ఆమె భావోద్వేగంగా పేర్కొన్నారు. అయితే తనపై నమ్మకం ఉంచిన దర్శకుడు కరుప్ప ఇచ్చిన ధైర్యమే మళ్లీ కెమెరా ముందుకు తీసుకువచ్చిందని ఆమె తెలిపారు. ఆ నమ్మకం తనకు పునర్జన్మలాంటిదని స్నేహ చెప్పడం విశేషం. అయితే పెళ్లి తరువాత స్నేహ సినిమాలకు గ్యాప్ రావటానికి వెనుక కారణం ఆ ప్రమాదమేనట.

స్నేహ అసలు పేరు సుహాసిని రాజారామ్ నాయుడు కాగా స్నేహ తెలుగు, తమిళ, మలయాళ భాషల్లో నటించి మంచి పేరు తెచ్చుకున్నారు. తెలుగులో ఆమె నటించిన హిట్ చిత్రాలు అభిమానులను ఇప్పటికీ అలరిస్తూనే ఉన్నాయి. ముఖ్యంగా సంక్రాంతి, రాధా గోపాలం, శ్రీరామదాసు, వినయ విధేయ రామ వంటి సినిమాల్లో ఆమె నటనకు ప్రశంసలు దక్కాయి. కుటుంబ కథా చిత్రాల్లో గృహిణి పాత్రలకు కేరాఫ్ అడ్రస్‌గా నిలిచిన స్నేహ, తన సహజ అభినయంతో ప్రత్యేక గుర్తింపు పొందారు. ఇప్పటికీ తెరపై కనిపించిన ప్రతిసారి అదే నవ్వుతో ప్రేక్షకులను ఆకట్టుకుంటూ ముందుకు సాగుతున్నారు. కష్టాలను జయించి మళ్లీ నిలబడిన స్నేహ కథ ఎంతో మందికి ప్రేరణగా నిలుస్తోంది.

Telugu Cinema : చాలా పకడ్బందీగా కంబ్యాక్ ప్లాన్ చేసిన అలనాటి సీనియర్ హీరోలు !