చరణ్, చిరు చిత్రాల్లో ఆడిపాడనున్న బాలీవుడ్ నటి

ధృవ సినిమా తర్వాత మెగా పవర్ స్టార్ రామ్ చరణ్ తేజ్, సుకుమార్ దర్శకత్వంలో సినిమా చేస్తున్నారు. మైత్రి మూవీ మేకర్స్ వారు నిర్మిస్తున్న ఈ సినిమాకు రంగస్థలం 1985 అని పేరు పెట్టి ఆసక్తిని పెంచారు. ప్రస్తుతం రాజమహేంద్రవరం పరిసరాల్లో షూటింగ్ జరుపుకుంటున్న ఈ మూవీలో సమంత హీరోయిన్ గా నటిస్తోంది. ఈమెతో మరో బ్యూటీ చరణ్ తో స్టెప్పులు వేయనుంది. ఆమె బాలీవుడ్ నటి సోనాక్షి సిన్హా. శత్రుజ్ఞు సిన్హా నట వారసురాలైన ఈమె బాలీవుడ్ లో దబాంగ్ వంటి చిత్రాలతో బాగాఫేమస్ అయింది. ఇప్పుడు చరణ్ సినిమా ద్వారా టాలీవుడ్ లోకి అడుగుపెట్టబోతోంది.

అంతేకాదు రామ్ చరణ్ నిర్మిస్తున్న ఉయ్యాలవాడ నరసింహా రెడ్డి చిత్రంలోనూ రెండో హీరోయిన్ గా చేయనున్నట్లు తెలిసింది. ఒకే సారి రెండు సినిమాలకు సంబంధించిన అగ్రిమెంట్స్ పై సోనాక్షి సంతకం చేసినట్లు టాలీవుడ్ వర్గాల వారు చెప్పుకుంటున్నారు. ఈ భామ రంగస్థలం 1985 సినిమా షూటింగ్ లోకి త్వరలో జాయిన్ కానుంది. చిరంజీవి చిత్రం ఆగస్టు లో మొదలు కాబోతోంది. అప్పుడు చిరు కోసం డేట్స్ కేటాయించినట్లు సమాచారం. సో మెగా మూవీల్లో సోనాక్షి ప్రతిభను చూపించనుంది.

Also, do SUBSCRIBE to our YouTube channel to get latest Tollywood updates.