బాలయ్య-బోయపాటి మూడో సినిమాని రిజెక్ట్ చేసిన సోనాల్ చౌహాన్

హీరోయిన్లు ఒక్కోసారి తమకు వచ్చిన ఆఫర్లు రిజెక్ట్ చేయడం అనేది సర్వసాధారణం. చిరంజీవి, అమితాబ్ వంటి మెగాస్టార్స్ ను కూడా హీరోయిన్స్ రిజెక్ట్ చేసిన సందర్భాలు కోకొల్లలు. అయితే.. ప్రస్తుతం బాలయ్యను సోనాల్ చౌహాన్ రిజెక్ట్ చేసింది అనే వార్త ఫిలిం నగర్ వర్గాల్లో చర్చనీయాంశం అయ్యింది. అసలు సోనాల్ ను తెలుగులో అందరూ మర్చిపోయారు అనుకున్న తరుణంలో.. లెజండ్ లో అవకాశం ఇచ్చి ఆమెను లైమ్ లైట్ లోకి తీసుకొచ్చాడు బాలయ్య.

ఆ తర్వాత లయన్, రూలర్ సినిమాల్లోనూ ఏరికోరి ఎంపిక చేసుకొన్నాడు. అమ్మడు కూడా తనకు వచ్చిన అవకాశాన్ని పూర్తిస్థాయిలో వినియోగించుకోవడం కోసం బికినీలో రచ్చ చేసి, ఏమాత్రం ఇబ్బందిపడకుండా ఎక్స్ పోజింగ్ చేసి తన ఉనికిని కాపాడుకొనే ప్రయత్నం చేసింది. మరి ఇప్పుడు సమీకరణలు ఏం మారాయో తెలియదు కానీ.. బాలయ్య-బోయపాటిల క్రేజీ కాంబినేషన్ లో తెరకెక్కుతున్న మూడో చిత్రంలో రెండో కథానాయికగా నటించే అవకాశాన్ని వద్దని చెప్పేసిందట సోనాల్.

దాంతో షాకయ్యారు నిర్మాతలు. అసలే కొత్త హీరోయిన్లు బాలయ్య సరసన నటించడానికి ఇంట్రెస్ట్ చూపించకపోవడం, స్టార్ హీరోయిన్స్ అయితే బాలయ్య అంటేనే బాబోయ్ అంటుండడంతో బాలయ్యకు హీరోయిన్లు సెట్ చేయడం పెద్ద సమస్యగా మారిపోయింది దర్శకనిర్మాతలకు. ఇప్పుడు ఇలా బాలయ్యతో ఆల్రెడీ యాక్ట్ చేసిన హీరోయిన్లు కూడా ఆయనతో సినిమా అంటే ఆసక్తి చూపించకపోతుండడం గమనార్హం.

Most Recommended Video

ఈ 10 మంది సినీ సెలబ్రిటీలు పెళ్లి కాకుండానే పేరెంట్స్ అయ్యారు..!
బ్రహ్మీ టు వెన్నెల కిషోర్.. టాలీవుడ్ టాప్ కమెడియన్స్ రెమ్యూనరేషన్స్ లిస్ట్..!
లాక్ డౌన్ టైములో పెళ్లిళ్లు చేసుకున్న టాలీవుడ్ సెలబ్రిటీస్..!