అమితాబ్‌ బచ్చన్‌తో నటించడమే ఓ అదృష్టం అనుకుంటే… రీల్ విలన్‌, రియల్‌ హీరో సోనూ సూద్‌ ఆ కుటుంబంలో ముగ్గురితోనూ నటించాడు. ఈ క్రమంలో ఒక్కొక్కరితో ఒక్కో అనుబంధం ఏర్పరుచుకున్నాడు. అమితాబ్‌తో ‘బుడ్డా హోగా తేరా బాప్‌’లో నటించగా, అభిషేక్‌ బచ్చన్‌తో ‘యువ’లో చేశాడు. ఇక ఐశ్వర్య రాయ్‌తో కలసి ‘జోధా అక్బర్‌’లో నటించాడు. ఇటీవల ఓ సందర్భంలో బిగ్‌బీ కుటుంబంతో తన అనుబంధం గురించి ముచ్చటించాడు. ఆ ఆసక్తికర విషయాలు మీ కోసం.
అమితాబ్‌ బచ్చన్‌ తన సీన్‌ అయిపోయాక క్యారవ్యాన్‌లోకి వెళ్లే రకం కాదట. తన తర్వాతి సీన్‌, డైలాగ్స్‌ పేపర్స్‌ తీసుకొని… సెట్‌లో కూర్చుని రిహార్సిల్‌ చేసుకుంటుంటారట. దానిని చూసే సోనూ సూద్‌ కూడా రిహార్సిల్‌ చేయడం ప్రారంభించారట. ఇప్పటికీ కొనసాగిస్తున్నారట. ఒక్కోసారి అర్ధరాత్రులు లేచి… తర్వాతి రోజు తన డైలాగ్‌లు, సీన్స్‌ గుర్తు చేసుకొని రిహార్సిల్‌ చేసుకునే సందర్భాలూ ఉన్నాయట. ఇక ఐశ్వర్య రాయ్‌తో ‘జోధా అక్బర్‌’లో నటిస్తున్నప్పుడు మొదట ఆమె రిజర్వ్‌గా ఉండేదట.
ఆ తర్వాత బాగా కలసిపోయిందట. ‘నిన్ను చూస్తుంటే మా నాన్న గుర్తొచ్చారు’ అని ఓ సారి సోనూ సూద్‌తో ఐశ్వర్య అందిట. అంతే కాదు అప్పటి నుండి ‘భాయ్‌ సాబ్‌’ అనే పిలుస్తోందట. ఇక అభిషేక్‌ బచ్చన్‌ గురించి మాట్లాడుతూ… తను బయటకు కనిపించేంత లేయర్డ్‌ పర్సన్‌ కాడని… ఎంతో సరదగా, జోవియల్‌గా ఉంటాడని చెప్పుకొచ్చాడు అభిషేక్‌ బచ్చన్‌.
Most Recommended Video
ఇష్క్ మూవీ రివ్యూ & రేటింగ్!
తిమ్మరుసు మూవీ రివ్యూ & రేటింగ్!
‘నారప్ప’ మూవీ నుండీ అదిరిపోయే డైలాగులు..!
