దేశంలో ఎంతోమందికి సహాయం చేసి సోనూసూద్ గొప్పమనస్సును చాటుకున్న సంగతి తెలిసిందే. నేడు రియల్ హీరో సోనూసూద్ పుట్టినరోజు. కష్టాల్లో ఉన్నవాళ్లకు అండగా నిలబడుతూ సోనూసూద్ సాయం కోరిన వారి యొక్క అవసరాలను తీరుస్తున్నాడు. ఎంతో మంది దైవంలా భావించే సోనూసూద్ ఈ స్థాయికి చేరుకోవడంలో అతని భార్య సోనాలి ప్రోత్సాహం ఎంతో ఉంది. సినిమా స్టోరీని తలపించేలా సోనూసూద్ ప్రేమకథ ఉండటం గమనార్హం. సోనూసూద్ ఇంజనీరింగ్ చదివే సమయంలో సోనాలి ఎంబీఏ చదువుతున్నారు.
సోనూసూద్, సోనాలి మొదట ఫ్రెండ్స్ కాగా ఇద్దరి అభిరుచులు కలవడంతో వాళ్ల మధ్య బంధం మరింత పెరిగింది. కొన్ని నెలల పాటు ప్రేమించుకున్న సోనూసూద్, సోనాలి పెద్దలను ఒప్పించి వివాహం చేసుకున్నారు. పెళ్లి తర్వాత సోనూసూద్ మోడలింగ్ చేయగా సోనాలి మాత్రం ఒక ప్రముఖ కంపెనీలో జాబ్ చేశారు. ఒకానొక సమయంలో తీవ్ర ఆర్థిక ఇబ్బందులు ఎదురు కాగా ఆ సమయంలో సోనూసూద్, సోనాలి వేరే వాళ్ల ఇంటిలో నివశించారు.
సోనూసూద్ సినిమాల్లోకి రావాలని తీసుకున్న నిర్ణయం సోనాలికి నచ్చకపోయినా ఆమె ప్రోత్సహించారు. ఆ తర్వాత సోనూసూద్ ఇష్టాన్ని అర్థం చేసుకుని ఆమె అతనికి మద్దతు ఇవ్వడం గమనార్హం. సోనాలి తెలుగమ్మాయే కాగా సోనూసూద్ ను ప్రతి విషయంలో ప్రోత్సహిస్తూ సోనూసూద్ విజయానికి ఆమె పరోక్షంగా కారణమయ్యారు. సోనూసూద్ తెలుగులో వరుస ఆఫర్లతో బిజీ అవుతున్నారు. సోనూసూద్ కు ఫ్యాన్ ఫాలోయింగ్ తో పాటు ప్రేక్షకుల్లో క్రేజ్ అంతకంతకూ పెరుగుతుండటం గమనార్హం.
Most Recommended Video
ఇష్క్ మూవీ రివ్యూ & రేటింగ్!
తిమ్మరుసు మూవీ రివ్యూ & రేటింగ్!
‘నారప్ప’ మూవీ నుండీ అదిరిపోయే డైలాగులు..!
Home