Sonu Sood: దోసెలు వేసి ట్రోల్‌ అవుతున్న సోనూ సూద్‌ ఏమైందంటే?

ఇండియన్‌ సినిమాలో మోస్ట్ హ్యాండ్సమ్‌ విలన్‌ అంటే… సోనూ సూద్‌ అని చెప్పాలి. కొన్నిసార్లు బాగా డేంజరస్‌గా కూడా నటించాడు. అయితే కరోనా సమయంలో మాత్రం దేశంలో హీరో అయిపోయాడు. ఆ తర్వాత సోనూ సూద్‌ ఏ చిన్న పని చేసినా అందరూ మెచ్చుకునేవారు. ఆఖరికి ఆయన ఓ టీమ్‌ను పెట్టుకుని మరీ ఆయన చేసిన పనులు సోషల్‌ మీడియాలో వైరల్‌ అయ్యేలా చూసుకున్నాడు. అయితే ఇప్పుడు కరోనా తగ్గింది.. ఆయన పనులూ తగ్గాయి. అయితే రీసెంట్‌గా చేసిన పనిని మాత్రం నెటిజన్లు నచ్చడం లేదంటున్నారు.

సోనూ సూద్‌ ప్రస్తుతం ‘MTV రోడీస్‌ సీజన్‌ 19’ పనుల్లో బిజీగా ఉన్నాడు. ఇదే ప్రాజెక్ట్‌లో నటి రియా చక్రవర్తి కూడా చేస్తోంది. గత కొన్నిరోజులుగా దీనికి సంబంధించిన షూట్‌ హిమాచల్‌ ప్రదేశ్‌లో జరుగుతోంది. ఈ క్రమంలో ఆదివారం నాడు సోనూ సూద్‌కి సంబంధించిన ఓ వీడియో వైరల్‌గా మారింది. అందులో సోనూ సూద్‌ సెట్‌లో ఉన్నవాళ్ల కోసం దోసెలు వేశాడు. రియా చక్రవర్తికి కూడా పనిలో పనిగా దోసె వేసి ఇచ్చాడు.

ఈ మొత్తం వ్యవహారానికి దీనికి సంబంధించిన వీడియోను (Sonu Sood) సోనూ ఇన్‌స్టాలో షేర్‌ చేశాడు. ఆ వీడియోను చూసిన ఆయన అభిమానులు ‘మీపై మాకు మరెంతో గౌరవం పెరుగుతుంది’ అని కామెంట్స్‌ పెడుతున్నారు. కానీ దివంగత సుశాంత్‌ సింగ్‌ రాజ్‌ఫుత్‌ అభిమానులు మాత్రం అసహనం వ్యక్తం చేస్తున్నారు. ‘రియాకు దూరంగా ఉండండి’ అంటూ అసహనాన్ని వ్యక్తం చేస్తున్నారు. సుశాంత్‌ సింగ్‌ ఆత్మహత్య కేసులో ఆరోపణలు ఎదుర్కొన్న రియా కొంతకాలం పాటు జైలులో ఉన్న విషయం తెలిసిందే.

సుశాంత్‌ సింగ్‌ రాజ్‌పుత్‌ మరణం తర్వాత ఏం జరిగింది అనే కోణంలో ఇప్పటివరకు చాలా విచారణ జరిగింది. అయితే ఇంకా ఓ క్లారిటీ లేదు. మరణం కాస్త ఆత్మహత్యగా మారి, అందులో డ్రగ్స్‌ కేసు వచ్చి చేరింది. దీంతో అసలు విషయం కన్నా, కొసరు విషయం మీదే చర్చ నడుస్తోంది.

 

View this post on Instagram

 

A post shared by Sonu Sood (@sonu_sood)

స్పై సినిమా రివ్యూ & రేటింగ్!

సామజవరగమన సినిమా రివ్యూ & రేటింగ్!
వివాదాలకు కేరాఫ్ అడ్రస్ మారిన విజయ్ దళిపతి సినిమాలు!