Sonu Sood: సోనూసూద్ ని చూడడానికి క్యూ కట్టిన జనాలు!

September 9, 2021 / 05:20 PM ISTByFilmy Focus

Join Us

Sonu Sood: సోనూసూద్ ని చూడడానికి క్యూ కట్టిన జనాలు!

సినీ నటుడు, రియల్ హీరో సోనూసూద్ విజయవాడ దుర్గమ్మను దర్శించుకున్నారు. ఓ ప్రైవేట్ కార్యక్రమంలో భాగంగా బుధవారం సాయంత్రం విజయవాడకు చేరుకున్నారు. అనంతరం నేరుగా కనకదుర్గమ్మను దర్శించుకున్నారు. ఆ తరువాత ఆలయ అర్చకులు, అధికారులు ఆయనకు అమ్మవారి చిత్రపటం, ప్రసాదం అందజేశారు. ఈ సందర్భంగా సోనూసూద్ మీడియాతో మాట్లాడారు. దుర్గమ్మను దర్శించుకోవడం చాలా సంతోషంగా ఉందని చెప్పారు. కరోనా వలన ఎంతోమంది అనేక ఇబ్బందులు పడ్డారని.. రాష్ట్రం, దేశం అభివృద్ధి చెందాలని..

అందరినీ చల్లగా కాపాడాలని ఆ అమ్మవారిని కోరుకున్నట్లు మీడియాతో చెప్పారు. కరోనా కాలంలో ఎన్నో సేవా కార్యక్రమాలు చేపట్టి రియల్ హీరోగా మారారు సోనూసూద్. ప్రత్యక్షంగా.. పరోక్షంగా లక్షలాది మందికి సాయం అందించి వారికి అండగా నిలిచారు. అన్ని రంగాల వారికి సేవలందించారు. కరోనా సెకండ్ వేవ్ సమయంలో కూడా పెద్ద ఎత్తున ఆక్సిజన్ సిలిండర్లను సప్లై చేశారు. దీనికోసం ప్రత్యేకంగా ఫౌండేషన్ కూడా ప్రారంభించి దాని ద్వారా ప్రజల కోసం విరాళాలు సేకరించి గొప్ప మనసు చాటుకున్నారు.

ప్రభుత్వాలు చేయాల్సిన పనులను సైతం సోనూసూద్ తన బాధ్యతగా భావించి లక్షల మంది అవసరాలను తీర్చారు. ఈ రియల్ హీరోను చూడడానికి విజయవాడ ప్రజలు గుంపులుగా తరలివచ్చారు.